عقد مرتضى منصور رئيس نادى الزمالك جلسة مع لاعبي الفريق الأول لكرة القدم بنادى الزمالك، على هامش مران الفريق الجماعى الذى أقيم على ملعب النادى الأبيض بميت عقبة فى حضور الجهاز الفنى بتشكيله الجديد الذى يقوده أليكس ماكليش.
وقال منصور للاعبيه، “إحنا عاوزين ياجماعة دلوقتي نفتح صفحة جديدة، والدورى لسة فى الملعب، واحنا عندنا لسة ماتش مع الأهلى اللي هو الفريق المنافس، كلنا شوفنا برشلونة بعد مكان سابق بكام بونط، عاوزين رجالة فى الملعب عاوزين يا توفيق ناكل النجيلة مادام شمينا الفلوس”.
وتابع، “ماتبصوش للمنافس بصو ليكم انتو القطر إبراهيم عبدالخالق بيتحرك من القاهرة بيروح سيدى جابر القطر ده توربينى مابقفش بإذن الله، الفريق الثانى اللى هو المنافس وقف فى طنطا وقف فى بنها وقف فى كفر الدوار وقف فى كفر الزيات مش مشكلة، المهم تبذل كل جهدك”.
وواصل، “أطلب من الجهاز الفنى العدل العدل العدل، إن شاء الله بإذن الله هيبقى عندنا الدورى والكأس وإفريقيا وسوبر وكأس العالم للأندية، واللى انتو متعرفهوش أن أول نادى راس كأس العالم للأندية كان نادى الزمالك فى شهر فبراير 2002-2003”.
اختتم حديثه قائلًا، “عاوزين تبذلوا أقصى جهد عاوزين نبدأ صفحة جديدة الدوى لسة فى المعلب مفيش يأس، وبقول للجهاز الفنى أهو من فضلكم العدل العدل العدل، وإن شاء الله قبل نهاية شهر مايو اللى داخلين عليه مفيش لاعب هيكون ناقصله جنيه من الـ75% بتوعه وهيبقى فاضلو 25% بتوع المشاركة وربنا يوفقكم”.
تابعوا آخر أهل مصر على Google News
