تسبب منشور على موقع التواصل الاجتماعي «الفيسبوك»، فى حالة كبيرة من الجدل بين رواد تلك المواقع، حيث يظهر من صورة حساب الشخص الذي نشره أنه «شيخ» يدعى محمد خطاب.
وكان الشيخ قد نشر صورًا لإحدى الفتيات المنقبات، ودون عليها قائلًا: «الأخت شروق واحد اتحرش بيها فى الميكروباص.. عادى يعنى بتحصل كتير»، وتابع: «الغريب بقى إنها مستغربة هى وكتير من الناس وده اللي أنا شوفته فى التعليقات ازاي واحد بيتحرش بواحدة منتقبة ولابسة واسع».
وأضاف: «بالله عليكوا دي صور نقاب أو واحدة ملتزمة!؟، بالله عليكوا هل ده يطلق عليه نقاب اساسًا!؟،
#لو_لم_أكن_متحرشا_لوددت_أن_تكون_متحرشًا».
وتعرض الشيخ، لانتقادات لاذعة من قبل رواد مواقع التواصل بسبب المنشور، حيث طالبوه بحذف صورة الفتاة، وجاءت التعليقات كالتالي: «أنت شايف نشر صور الأخت دا من الدين، احذف الصور من فضلك»، «معلش يعني مين ادى لحضرتك حق نش الصور الشخصية لهذه الفتاة وخلاص حضرتك خالي من الذنوب والمعاصي، وبالفرض إن البنت لابسة نقاب مش معتدل هل من حق أي شخص التحرش بيها، ده فى شرع مين لما اللى يبربى دقنه بقا شيخ وهو مش بيركعها يبقى العيب فى الدقن ولا فى عدم تقربه للخالق.. اتقي الله وامسح الصور اللى حضرتك عامله ده تحرش أخلاقي وربنا يديك على قد نيتك».
وآخر: «اتقي ربنا في البنت وعرضها وإن كانت غلطت فأنت شهرت بيها والله يجازيك بكدا جزاءً وفاقًا».
تابعوا آخر أهل مصر على Google News
