نشرت الفنانة هنا شيحة تعليقا عبر صفحتها على توتير بعد حملة الانتقادات التي تعرضت لها بسبب مشهد المايوه في فيلم قبل زحمة الصيف، الذى يعرض حاليا، وحاولت هنا تبرير المشهد من خلال مجموعة من العبارات.
وقالت هنا: "احب اعيش بره الصندوق من غير خوف.. لا يهزني ريح ولا حتى موج.. لا يبهرني جاه ولا ملكوت.. وسط البشر أنا ولا حاجة.. واحدة وسط الملايين.. شغلتي في البطاقة: ممثلة.. تحت الإضاءة أنا موجودة.. بس ده مش اختياري.. بجسد شخصيات من وحي كاتب.. بلبس كلمات وأحوّل حروف لبشر.. هي دي الشغلانة.. صعبة مفيش شك.. بنتوه إحنا الممثلين جوه الحواديت وبتاخدنا جوّاها.. ما اخترتش الشهرة واخترت الشغلانة. شغلتي أجسد الملايين وأكون همّا.. وساعتها أنا مش بكون أنا.. خضتهم.. فوقتهم.. عشان بشاور على خوفهم وسرهم وشرهم.. هي دي الشغلانة.. بحبها ومفيش في الحب اختيار.. بصيت في المرايا لقيت وشوش كتير جوايا.. يمكن لما يخلصوا.. أبطّل الشغلانة.. متستعجلوش ومتحكموش.. يمكن لما نبطل نحكي.. يخلص الكلام وتقعدوا ساكتين.. ساعة فضفضة.. من القلب للقلب.. كلنا بشر مفيش بينا ملاك”.
تابعوا آخر أهل مصر على Google News
