شن إبراهيم حسن، مدير الكرة بالنادي المصرى البورسعيدي، هجومًا لاذعًا على مرتضى منصور رئيس مجلس إدارة نادي الزمالك، واصفًا إياه بأنه "عيل مالوش لازمة"، مضيفًا أنه لا يريد ذكر اسمه على لسانه.
وقال خلال مداخلة هاتفية ببرنامج "كورة بلدنا" على قناة "الحدث اليوم" مساء أمس،: "عمال يخبط في الصغير والكبير ومش سايب حد.. اللي زي ده مسابش ولاحد في الفن والسياسة والرياضة إلا وغلط فيه.. هل ده هيتساب يغلط في الناس كدة؟.. هو شخصية ضعيفة جدًا.. لما قفلنا عليه الأوضة في الزمالك أنا وحسام وكنا هنضربه قعد يصوت ويصرخ ويستنجد بالناس".
وتابع: "هو خد على الصريخ.. بيتكلم على البلطجة ودي السمة بتاعته.. نرجع للي عمله.. اتسبب في موت ناس كتير من الزمالك.. 22 واحد من الجمهور.. وحبس ناس كتير من جماهير النادي.. واتسبب في موقعة الجمل".
وقال: "أن بسأل هل ده هيتساب؟.. هذا الشخص بقى مؤذي للناس كلها.. فهل في حد هيقدر يوقفه؟.. أنا بالنسبة لي مفيش مشكلة.. أنا هروح حد عنده وهلطشه على وشه.. هلطشه بس هو عندي أحفاد وبيت.. بس هو مصمم يتهزأ.. هو بيحب يتهزأ.. هديله بأقل حاجة في رجلي".
وأضاف: "فلو على التهزيء هفضل أهزأه.. ولو مش عاوز يحترم شيبته حهزأه.. أنا زعلان لما يكون عنده ابن واللا حفيد ويسمع ان جده بيتهزأ.. قلتله هاجي الطشك 700 قلم على وشك.. واللي هيقع هييجي على أولادك.. أنا قلتله 100 مرة أنا وحسام خط أحمر.. .. قبل ما تجيب اسامينا تفكر مليون مرة.. احنا بنرد فعل".
وجاء هذا بعد أن صرح "مرتضى"، قبل أيام بأن حسام حسن، لا يصلح أن يكون مدربا ونتائجه مع كل الأندية صفر، مضيفًا أنه يتمنى تدريب الزمالك.
وأضاف في تصريحات صحفية: "هيموت وييجي يمسك الزمالك.. طول ما أنا قاعد مش هخليكم تدخلوا النادي أبدًا"، متابعًا أنه أخرجه من السجن في مشكلته مع مصور الداخلية ببورسعيد بعد أن اتصل به شقيقه يرجوه لمساعدته.
تابعوا آخر أهل مصر على Google News
