في عيد الأم.. أحمد سعودي: "حكاية أمي معايا لما اتحرقت زمان"

تنشر "أهل مصر"، رسائل المواطنين على صفحة الجريدة بموقع التواصل الاجتماعي "فيسبوك"، التي تتضمن قصص للأمهات المثاليات يحكيها أبناءهم:

بعث المواطن أحمد سعودي، بهذه الرسالة:

"أمي لو فضلت أحكي عنها لبكره مش هوفيها حقها، أمي ربنا يديلها الصحة، وأنا صغير اتحرقت بميه سخنة فدخلت المستشفى قعدت شهرين، كان ممنوع إن أي حد يبات معايا، كانت أمي تبات صاحية للصبح على الرصيف قدام المستشفى، والصبح تدخل تطمن عليا وتروح تشوف طلبات البيت وترجعلى تاني".

"أمي كافحت معايا كتير قوي على مدار الشهرين اللي قضيتهم في المستشفى، وبعد مخرجت كانت تقعد جنبي فالبيت صاحية طول الليل والنهار تراعيلي، أمي دي أعظم أم في الدنيا".