روت شيما تفاصيل خطفها من أهلها بغرض السرقة وتركها فى محطة القطر وتسليمها إلى دار رعاية أيتام حتى تزوجت، مطالبة بتداول صورها حتى يتعرف عليها أحدًا ويساعدها فى الوصول إلى أهلها.
عبد الله السعيد عن توقيعه للزمالك: كنت بفكر في أولادي
وقالت شيما فى منشور لها على "فيسبوك"،: "الصورة دي وانا عمري سنتين من داخل قسم ميت غمر من 23 سنة، كنت بنفس اللبس ونفس التسريحه اللي في الصورة دي لما ناس لقوني على محطة قطار ميت غمر وسلموني لدار رعاية الأيتام وبعدها الدار سلمتني للقسم واتعمل محضر واتصورت الصورة اللي انتوا شايفنها دي".
وأضافت: "اتسجل في محضر العثور بالقسم وقتها لبسي ده وأن سني التقديري سنتين، وكمان اختطاف بغرض السرقة وده كان بسبب الجروح اللي كانت في ايدي مكان الأسورة الدهب اللي كنت لابساها وأن اللى خطفني أخدها من ايدي ورماني في المحطة ومشي".
وأوضحت: "عشت حياتي كلها في الدار لحد لما اتخرجت من كلية تربية وبعدها ربنا كرمني واتجوزت وعمري دلوقتي حوالي 25 سنة".
واستكملت: "يااااه يا امي.. يااارب ربنا يكرمني واشوفك بقول لأخواتي وأهلي كلهم ان شاء الله هتعرفوني من صورتي لأنها في نفس يوم العثور عليه.. المهم ربنا يكرمني وتوصل صورتي لحد منكم ويشوفها باذن الله".
تابعوا آخر أهل مصر على Google News
