داخل قسم شرطة الوراق جلس "محمد صبحي" (33 سنة)، على إحدى المقاعد، حاملًا على يديه طفله باسم" (4 سنوات)، الذي أصيب، بعجز في ساقيه بعدما دهسته سيارة ميكروباص طائشة، بدون لوحات معدنية، في جزيرة الوراق شمال محافظة الجيزة، قبل أن يضيف بحزم: «أنا جاي أعمل محضر في المتهم وعايز حق ابني.. منه لله السواق ابني بقا عاجز».
يقول الأب، «مراتي كانت رايحة ترمي الزبالة وابني راح وراها، وعربية ميكروباص شغالة على خط المنطقة خبطته»، مضيفًا: "أنا عندي 4 عيال باسم وحسن ويحيى ويوسف وشغال أرزقي، ويوم شغال و10 لا أجيب منين مش لاقي تمن العلاج؟».
غالب «صبحي» دموعه، :«أنا وديت ابني المستشفى وقعد فيها 15 يومًا، والفلوس اللي عاينها خلصت بعدها أخدت ابني وروحت ومش لاقي فلوس أجيب له العلاج»، يتوقف لبُرهة، ويواصل حديثه: «عرفت إن اللي خبط ابني اسمه خالد مطر، ولما روحت له ما عبرنيش ولا خد بأيدي حتى».
«ابني ركب 15 شريحة في رجليه وبقى عاجز والدكتور قالي لو ما كملش العلاج مش هيعرف يقف تاني على رجله».. قالها الرجل الثلاثيني والدموع تنساب على خديه قبل أن يضيف «بعت للسواق ناس عشان ييجي يشيل معايا تمن علاج ابني لكن ما ردش عليَ».
والتقطت طرف الحديث زوجته لتروي تفاصيل يوم الحادث قائلة «كنت ماشية وابني جاي ورايا لقيت عربية جاية بسرعة على طريق الجزيرة، في لحظة العربية خبطت ابني.. وقع على الأرض والدم بقا في كل حته.. أخدته وروحت بيه على المستشفى السواق جه معايا وسبني بعدها».
حُرر الاب محضر بقسم شرطة الوراق بالواقعة، وأخطرت النيابة العامة للتحقيق والتي أمرت بضبط وإحضار المتهم الذي مازال هابًا.
نقلا عن العدد الورقي.
تابعوا آخر أهل مصر على Google News
