أكدت الفنانة المعتزلة حلا شيحة، أن إرسال بعض متابعيها على "السوشيا ميديا"، صورها من الأفلام التي خاضتها سابقاً، لم يستفزها.
وقالت "شيحة" عبر صفحتها الشخصية على موقع التواصل الاجتماعي "فيس بوك"، حابة أوضح حاجة بسيطة أي حد بيتعمد ينزل لي صورة من أفلامي السابقة علي صفحتي لن يستفزني أبداً بفضل الله.
وأضافت: "الذنب مش أنا اللي حخده ده حيكون كله علي الشخص اللي سولت له نفسه، الأمر ده أنا بخاف من الله وحده الحمد لله قوية جدا بالله وحده ثم الدعاء وأدعوا الله الثبات في كل لحظة في يومي وأنا ذقت الحياة بعيد عن الله وبالقرب منه ولا أتخيل حياتي أن تعود كالسابق".
وتابعت: "الحمد لله أنا بنت ناس طيبين وعائلة طيبة ولي في حياتي السابقة بعض الأخطاء لكن أخطاء بنت في سن صغير شئ وارد و لابد منه كل إنسان يخطئ ولابد أن يخطئ وإلا فكيف يعرف الصواب".
واستطردت: "لست نادمة على شئ مر من حياتي لأن كل ما مضى قادني إلى الله ومحبته والتعلق به، الدنيا دار اختبار لكل الناس احنا جينا هنا لحكمة عظيمة ولهدف ولو الانسان مسألش نفسه وحاسب نفسه كل فترة حيعيش كده وخلاص".
واستكملت: "لازم نسأل نفسنا احنا مين وهنا ليه وايه السبب في وجودنا، أسئلة غيرت حياتي وحياة ناس كتير، واللي بيسأل بصدق غير اللي بيضحك علي نفسه بشوية أوهام تريحه وحيصدقها و خلاص، علشان كدة بقول لأي حد بيحاول يأذيني علي الصفحة أو يقول كلام عني بيحاول بيه يضايقني أقوله ما تحاول معايا وصعب تعرف لأن مصدر قوتي و صبري واستمراري في طريقي من الله القوي المتين، الجبار العزيز اللي لو كنت تعرف قدره مكنتش حتى فكرت إنك تأذي نفسك أيوه إنت فعلاً أذيت نفسك أما أنا ففوضتُ أمري إلى الله والله المستعان على ما تصفون".
تابعوا آخر أهل مصر على Google News
