«الحاجه زينب» غاضبة من إعلان صندوق تحيا مصر

نفت الحاجة زينب المتبرعة بقرطها لصندوق "تحيا مصر" تقاضيها أي أموال مقابل الإعلان، الذي يتناول قصة تبرعها بقرطها الذهبي خلال شهر رمضان.

وقالت الحاجة زينب: "الناس بتتهمني إني تقاضيت فلوس عشان الإعلان وأن ناس كتير بتيجي تصورني وبوافق بس عشان خاطر البلد".

وكان الرئيس عبدالفتاح السيسى قام بمقابلة الحاجة زينب وكرمها بعد تبرعها بقرطها لصندوق "تحيا مصر"، كما استخدم الصندوق قصة الحاجة زينب للترويج لأنشطة الصندوق من خلال حملة إعلانية تذاع على شاشات التليفزيون خلال شهر رمضان وهي قصة غير حقيقية.

وقالت الحاجة زينب إن ما تناوله الإعلان قصة غير حقيقية، وأوضحت: "أنا كفيفة ومبتحركش من حجرتي، وسمعت عن الإعلان من عيالي وسمعت الكلام اللى فيه وزعلت لأنه مش أنا اللى بتكلم واللى فيه مش حقيقى لأن الحلق اللى اتبرعت بيه مش بتاع سيتى ولا حاجة، ده أنا كنت شرياه من تحويشة عمري وأنا قررت التبرع لصندوق تحيا مصر لأنى بحب الرئيس السيسي".