بعد 8 شهور جواز عن حب، وقفت "سمر"، 33 سنة، أمام محكمة الأسرة في الزنانيري لتطلب خلع من زوجها "أحمد"، قائلة: "بتاع مخدرات وبرشام وبينزلنى اشتغل علشان ياخد فلوسى".
اقرأ أيضا :أمن الجيزة يفحص فيديو لبلطجى يسرق المواطنين بواسطة كلب في شارع العشرين
على سلم المحكمة جلست السيدة الثلاثينية، وبجوارها المحامية موكلتها، محاولة إخفاء وجهها بين كفيها تحكي وهي تبكي وراحت تقول: "اتجوزت وأنا عارفة إنو بيتعاطى المخدرات، وزواجنا كان عن حب بسبب علاقتى باختة أيام الدراسة وصارحنى بكل شىء عنة حتى عن تعاطيه المخدر ووعدنى انه هيبطل ياخد مخدرات تانى".
بوجه شاحب وملامح تظهر عليه علامات الشقاء والحزن، وعيون مكسورة أرهقتها الدموع تكمل السيدة والدموع على خديها: "تحملت معاه كل الظروف الصعبة حتى انو خلانى أشتغل وياخد فلوسى يتعاطة بها مخدرات، عجزت عن اقناعه يبطل أو يشتغل، ومرت الأيام والشهور ولم أتحمل هذه العيشة الصعبة".
تتذكر سمر لحظة انقلاب زوجها رأسا على عقب: "بعد الزواج بشهر واحد بدأ ياخد برشام كتير أوى ويتنرفز عليا وكان بيضربنى وأنا لا بشتكى لأهلى ولا بتكلم وكنت مستحملة علشان دا اختيارى من الأول، فحاولت أن أغيره لكنى لم أجد منه غير كلام وبس، وللأسف إنى مقترتش".
وأكملت الزوجة المكلومة في حديثها لـ"أهل مصر": "سبت البيت ورحت لبيت أهلى وأخد قرار إنى مش هرجع تانى".
وبعد يأسها تقول سمر: "أعمل أية أنا بحبة بس هو ممكن يموتنى وهو مش فى وعيه على طول بياخد مخدرات والحمد الله إن ربنا مرزقنيش بأطفال منه، بس أنا السبب إني اتجوز ما أنا كنت عارفة من البداية"، وقررت الزوجة التوجه لمحكمة الأسرة لرفع دعوة خلع، وحملت الدعوى رقم 550 لسنة 2018، ومازالت منظورة ولم يتم الفصل فيها.
تابعوا آخر أهل مصر على Google News
