تنظر إليه تجده فى مقتبل العمر، يسير بدراجته تحت أشعة الشمس الحارقة، علامات الشقاء طُبعت على وجهه البشوش، والذى يتسم بملامح الأطفال الأبرياء، ولكنه قرر أن يكون رجلا بين الصبيان يختلف عن أقرانه، منصور حسان، طالب حاصل على الشهادة الثانوية الأزهرية بقرية عنيبس بمركز جهينة في سوهاج.
التقطت عدسة بوابة " أهل مصر" شاب يسير بدراجة يبيع آيس كريم، بين الأطفال والكبار فى شوارع قرى محافظة سوهاج، وبالحديث معه، أكد أنه يقوم كل صباح باصطحاب دراجته إلى مدينة جهينة أو مدينة طهطا ليشتري الآيس كريم من المصانع التي تقوم بتصنيعه بالإضافة إلى شراء اقماع البسكوت الخاصة به، وعلب صغيرة أيضا ليضع فيها الآيس كريم للزبائن باختلاف أنواعه مثل آيس كريم بالفراولة أو بالشكولاتة.
قال منصور، إنه يقوم ببيع قمع البسكوت من الآيس كريم بجنيه واحد فقط، والعلبة بنصف جنيه، مؤكدا أنه سوف يكمل تعلميه ليتحلق بمرحلة التعليم الجامعي قائلا :" هدخل الجامعة بالنص جنيه اللي بيبع بيه الآيس كريم ده، والحمد لله أنا مش عبء على والدي ووالدتي، لإني بساعدهم في مصاريف البيت لأن عندي إخواتي لسه بيتعملوا في المدارس".
وأكد منصور، أنه يتحصل على مبلغ 40 جنيه يوميا وقد يصل إلى 50 جنيها، حصيلة بيعه للآيس كريم، مضيفا أنه يقوم بأخذ جزء من المكسب اليومي لقضاء حاجة أسرته. من جانبه وجه منصور رسالته إلى الشباب قائلا :"بنصح الشباب اللي بتقول مش لاقيين شغل يطلع ويسرحوا زيه ويعملوا قرش ويساعد نفسه وأسرته ويخفف من عليهم العبء وبلاش جلوس المقاهي اللي لا يودى ولا يجيب وكان سبب كبير فى انتشار المشاكل والجرائم".
وتابع منصور خلال حديثه مع "أهل مصر" :" أنا راجل فقير وأهلي ناس على كدهم وبنشقي صح عشان نكسب لقمة عيشنا بالحلال وحالي احسن من غيرى على الاقل انا قادر اشغل نفسي لكن غيرى مش عارف ولا قادر على كدة عشان كدة هيتعب فى الدنيا ، وبتمني من ربنا اكمل تعليمي من عجلة الايس كريم دي والتحق بوظيفة كويسة تريحني شوية من الشقي اليوماتى".وأشار منصر، إلى أنه يجوب بدراجته العديد من القرى على مستوى محافظة سوهاج، فتارة تجده فى قرى مركز جهينة وتارة بقرى مركز طهطا او المراغة أو طما.
تابعوا آخر أهل مصر على Google News
