الشاب الذي هاجمه الهضبة في حفله يروي تفاصيل ما حدث: "مش زعلان" (فيديو)

روى الشاب عمرو وائل، الذي هاجمه عمرو دياب خلال حفله أمس بالجامعة الدولية، عندما طلب منه أكثر من مرة غناء "قال فاكرينك"، تفاصيل ما حدث.

وأوضح عمرو على حسابه الشخصي على "فيس بوك" أنه بعدما طلبها مرارًا من الهضبة، ورفض أن يغنيها، ضحك واعتذر لـ"دياب"، فرد عليه ضاحكًا: "أيوه كده"، موضحًا أنه ليس غاضبًا مما قاله عمرو على المسرح ولا من انتقاده لطلبه المتكرر للأغنية.

وتابع "عمرو": أنا عمرو وائل بتاع حوار قال فاكرينك إمبارح اللي حصل إن أنا واتنين صحابي قعدنا نقول قال فاكرينك فقالي يا عم مش هغنيها م أنا لو عايز كنت نزلتها في الألبوم أنت مش هتمشيني علي مزاجك لو مش عجبك متسمعنيش.. فضحكت و قولت أسف راح ضحكلي وقالي ايوة كدة.

وأردف: أنا مش زعلان منه لأن هو كان بيهزر وكل الناس عارفه إن هو كان بيهزر وأنا مش زعلان أنا اصلا بحبة جدا والله وطلبتها مرتين بس والناس كلها بتهبد اللي حصل إن هو كان بيهزر اصلا وكان بيضحك وهو بيتكلم.

تعود الواقعة عندما طلب "وائل" من الهضبة خلال حفله تأدية أغنية "قال فاكرينك" لينفعل عمرو دياب قائلًا: والله ما هقولها أنت لو قعدت 100 سنة تطلبها مش هقولها، أنت هتمشيني على مزاجك مش عاوزها لو كنت عاوزها كنت نزلتها في الألبوم، إنما أنا مش عاوزها، مزاجي مش عاجبك متسمعنيش، دا أنت غريب أوي".