انتهت قصة الحب الكبيرة، بين المطرب محمد رشاد، ومذيعة الراديو مي حلمي، بشكل صادم، ففي أثناء انتظار الجميع لحفل زفافهم، حدث ما لم يكن في الحسبان، وتراجعا عن قرار ارتباطهما ببعضهما قبل كتب كتابهم بدقائق قليلة، وبذلك تحول الإثنان إلى حديث الساعة، ولكن بالرغم من كل هذا أصدر كلا الطرفان تصريحات تدل على عودتهما لبعضهما، وفيما يلي أبرزها.
اقرأ أيضًا.. مي كساب تكشف عن قرب صدور ألبومها الجديد
أول تصريح من محمد رشاد على حادث انفصاله عن مي حلمي
خرج المطرب محمد رشاد، من صمته ليرد على مهاجمة الإعلامية ريهام سعيد له قائلًا ""الأستاذة الإعلامية الفاضلة ريهام سعيد.. أولا اسمي وحياتي العامة والخاصة لا تعنيكي في شيء ومسمحش إنك تصوريني في صورة إنسان مستهتر بمشاعر إنسانة بيحبها أو بينا شيء محترم، ولكن محصلش نصيب لخلافات خاصة بينا قبل أي حد كائن من كان، والقرار بخيره أو بشره عائد علينا أولًا وأخيرًا، وقدر الله وما شاء فعل، إن لم يشأ لم يكن، وإن شاء قد كان".
وتابع "المصادر الموثوقة اللي قالت لك إن مي جالها جلطة في المخ موصلتش لحضرتك إنها كانت معايا أثناء عرض الحلقة بتاعتك بنحاول نوصل لحل يرضي أطراف الخلاف، ومكنش لله الحمد عندها جلطة في المخ بعد الشر عنها وعن أي شخص، معتقدش هتوصلك لأن مصادرك يا أستاذة يا كبيرة ضعيفة".
وأوضح "مي بالنسبة لي أكبر من كل الكلام اللي بيتقال وهيتقال، لأن بينا عشرة وسنين شوفنا فيها حلو ووحش ولو حضرتك كلمة الكرامة لا تعني لك شيء، فأنا كرامتي وكرامة أهلي تعنيني جدًا وتهمني، بعيدًا عن كل المهاترات اللي تم نشرها خلال الأيام الماضية، وأنا احترامًا لأيام ومشاعر بينا محبتش أتكلم ولا هتكلم، لأن مي سواء كانت شريكتي في الحياة أو لا بنصيب وقدر الله تعني لي كتير جدا".
مي حلمي ترد على شائعة نقلها للمستشفى
نشرت مي حلمي، در على مروجي شائعة دخولها في أزمة مرضية حادة بعد إلغاء حفل زفافها قائلة "شكرا لكل الناس اللي بتحبنا والزملاء اللي اطمنت عليا وسألت عني، قبل أي حاجة أنا مجاليش جلطة الحمدلله ولا الكلام دا مجرد ضغط نفسي وانسداد في الشعب الهوائية بقالي كام يوم، أكيد بسبب اللي حصل ودا وارد بين أي طرفين ومشاكل حياتنا الخاصة تخصنا لوحدنا وإحنا قادرين نحلها بكافة الطرق لأنها حياتنا إحنا".
وأضافت مي: "كشخصيات عامة محدش له يدخل ويتكلم ويحلل ويقول ضريبة الشهر لأ حياتنا الخاصة مش للشهرة.. مش هطلب منكم غير الكلمة الطبية وياريت نتعلم من الأمثال اللي ليها حكمة العروسة للعريس والجري للمتاعيس، في الآخر كل اللي داخل خارج البصلة وقشرتها عمركم شفتو بصل من غير قشر؟، مش هينبكم غير إن كل اللي قال كلمة وحشة هتقعدله وهيبقالنا الحلو كله".
محمد رشاد يكشف عن سبب إلغاء حفل الزفاف
قال الفنان محمد رشاد، خلال تصريحات تليفزيونية إن المشاكل التى حدثت بينه وبين مي حلمي وأدت إلى الانفصال، كانت عائلية حدثت أثناء التواجد عند أهل مي لعقد القران ولم يستطع التغاضي عنها، مشيرًا إلى أن هناك بعض الأشخاص قاموا بإحداث فتنة بين العائلتين مما أدى إلى هدم الفرح والانفصال.
مي توجه رساله مؤثرة لجمهورها
وجهت مي رسالة مؤثرة لجمهورها من خلال برنامجها على الراديو قائلة "مش عايزة اتكلم في اي حاجه غير عن وجع كسره الفرحه، ولا اعلام ولا ميديا ولا دنيا ولا مين شمتان ولا مين فرحان مش فارقلي، ازاي قدرتو تعملو كده لكل الناس وأولهم القريبين.. إزاي قدرتوا تقولوا كلام غلط وحكايات ماحصلتش.. إزاي سبتو فرحتنا على جنب.. طيب هقولكم عارفين يعني ايه بعد ما البس فستاني اقلعو؟".
وأضافت: "إن السبب هو الناس اللي نقلت كلام غلط.. اللي يقول احسن فهموني انتو بني ادمين؟ بتخافو ربنا؟ طيب حتى لو نفرض وده فرضا إن حد من الطرفين غلطان.. ليه الدعاء عليه والحسبنة ليه.. أصله مش زرار هتقوم من النوم تدوس عليه فهتنسي العشره والسنين وتقعد تدعي وتهين.. لا لا ابدا.. مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف".
واختمت كلامهابـ: "فرحه فستان بتاعة الراديو راجعه راجعه.. ان شاء الله هنحكي كل حاجه وهنقول كل حاجه بس في الوقت اللي احنا عايزينه مش اللي الناس عاوزاه.. نصيحة من قلبي لكل اتنين متجوزين عايزين يسيبو بعض.. لكل اتنين مخطوبين.. لكل اتنين بيحبو بعض.. الحب مابيتبعش ولو ضيعتوه والله مابييجي تاني.. امسكو فيه مهما حصل، وعاوزه دعوه حلوه لينا ارجوكم".
محمد رشاد يطرح أغنية إحساسي التي أعدها لمي حلمي
طرح المطرب محمد رشاد، أحدث أغنياته "احساسي"، أمس الخميس، على الرغم من أنت تلك الأغنية كانت مخصصة لحفل زفافه على الإعلامية مي حلمي، قبل أن يتم إلغائه بسبب مشاكل شخصية بين الطرفين.
مي حلمي بـ "الدبلة" على إنستجرام
ظهرت مي، في أحدث صورها عبر "إنستجرام"، بدبلة في يدها اليمين، كما ردت على متابعة لها، طلبت منها العودة لخطيبها محمد رشاد، قائلة "يا مي إرجعي لرشاد ما تخليش حاجات تافهة تخسركم بعض، الحب بييجي مرة واحدة".
وردت مي حلمي على متابعتها "ما قدرش مارجعش حتى لو هو مش عاوز.. هرجع، الحب مش بيتباع".
تابعوا آخر أهل مصر على Google News
