حزن جمهور ومتابعو الفنان أحمد زاهر، عقب سقوطه في حفل الفنان تامر حسني في حفل كايرو فستيفال سيتي، إذ كان زاهر يقدم صديقه على المسرح ولم يلاحظ انخفاض الأرض وهو يسير على المسرح وهذا أدى لسقوطه من عليها وظهر عليه أن قدمه تؤلمه، "أهل مصر" تنشر دعوات الجمهور للفنان أحمد زاهر بالشفاء عبر حسابه بموقع "فيس بوك"، وكتب أحد محبي زاهر: "ألف مليون سلامة عليك يازاهر شفاك وعافاك يا نجم وربنا يتمم شفائك علي خير وتقوم بألف سلامه يارب وترجع احسن واقوي من الاول، حبيبي يا زوز ابقي طمنا وطمن حبايبك عليك وع صحتك يا غالي".
لحظة سقوط أحمد زاهر في حفل تامر حسني.. "فيديو"
ودعت له إحدى صديقاته، وكتبت: " ربنا يشفيك ويعافيك ياحمد... وتقوم بالسلامة يارب.. زعلانه جدا من امبارح.. لكن عندي ثقة في الله انك هتقوم بالسلامة.. وان ربنا بيختبر ايمانك وقوة صبرك.. هتعدي وهتقوم وتقف على رجلك بكل قوة وهتقدم لنا اجمل الاعمال... يااعز اخ في الدنيا ربنا يكتب شفاك على خير".
ونشرت واحدة من محبي زاهر وتامر حسني التي كانت تحضر الحفل، فيديو سقوط الفنان على المسرح، وكتبت: " للحقيقه الى حصل زعلنى اووي انه الفنان #احمد_زاهر وقع واقعه جامده جدا بعد ما قدم #تامر _حسنى و برغم كده قام و كمل التقديمه... ربنا يشفيه يااارب و يقومه بألف خير و سلامه... ادعوله ربنا يتمم شفاه علي خير... و عرفت انه اتنقل المستشفي ربنا يطمنا عليه و يبقي احسن يااارب و ياااريت كل جمهوره يدعيله انه يقوم بألف سلامه يااارب... سلامتك الف سلامه ربنا يبعد عنه كل شر لانه احنا مش عارفين نوصله و كله مكتم و محدش عارف حصله أيه ربنا يشفيه و يعافيه يااارب اللهم آمين.... سلامتك الف مليون سلامه ربنا يقومك بالسلامة يااارب".
يشار إلى أن أحمد زاهر وتامر حسني تجمعهما صداقة قوية منذ أعوام كثيرة، وعملت بنات زاهر مع تامر في عدد من أفلامه مثل "كابتن هيما"، "عمر وسلمى".
تابعوا آخر أهل مصر على Google News
