لفت أنظار الرأى العام خلال الساعات الأخيرة ما تواتر من شهادات لشهود عيان نجوا من حادث محطة مصر "السكك الحديدية برمسيس" لتؤكد هذه الشاهدات على أنه بين الإرهاب والإهمال خيط رفيع يلتف بقسوة على رقاب المصريين ولا يرحم امراة ولا رجل ولا طفل صغير، هذا هو ما كشفت عنه قراءات سريعة لمواقع مرتبطة بأشخاص محسوبين على جماعة الإخوان المسلمين الإرهابية كانت سباقة في الإشارة لحادث انفجار جرار القطار في محطة رمسيس بوسط القاهرة، بعد أن حملت صفحة أحد مذيعي قنوات جماعة الإخوان المسلمين الإرهابية التي تبث من تركيا إشارة للحادث متخفية بين ثنايا عبارة ماكرة هى : صفارة الإنذار الأولى.
شهادات بعض مصابى حادث محطة مصر
أما ما تداولته بعض صفحات التواصل الاجتماعي نقلا عن شهود عيان قالوا إن أشخاصا قاموا عن عمد بغلق ممرات الخروج من رصيف رقم 6 المنكوب فهى شهادات تتطلب التحقيق فيها لمعرفة ما إذا كان لجماعة الإخوان الإرهابية خلايا نائمة داخل هيئة السكة الحديد دفعت بالحادث ليكون بهذه النتيجة الكارثية التي أسفرت عن شهداء وضحايا بالعشرات.
شاهد عيان يروي ما حدث له وراه بعينه يقول خالد حسن أحد الشهود الذين روا روايتهم عن الحادث :
" اقسم بالله العظيم الله. اللي حكتبه ده انا شفته بعيني محدش قالی عليه .. بعد ما نزلت من القطار اللي كنت راكبه من اسكندريه بثواني حصل الانفجار الرهيب بتاع امبارح داخل محطة مصر ..ولما النار كانت حوالينا في كل مكان و جایه علينا بسرعه رهيبه .. مكنش في قدامنا غير أننا نتطلع نجرى في اتجاه صالة الخروج اللى هي الصالة الكبيرة اللي فيها لوحة مواعيد تحرك القطارات .. واللي شاف الصالة دي عارف ان بمجرد الخروج من الرصيف و الدخول للصاله بتمشي داخل ممرات من حديد علشان تطلع للشارع بره خالص ... اللى حصل بقى اني وانا بجري بأقصى سرعتی وداخل على الممرات دى علشان اطلع بره من الجحيم اللى كان على الرصيف في شخصين قدامی قفلوا ابواب ممرين من ممرات الخروج دی و طلعوا يجروا ..وطبعا انا وكل الناس اللى كانت طالعه بتجرى مكنش في قدامنا حل غير أننا نرجع تاني على الرصيف و ندخل الصاله الكبيره دي من باب تاني يكون الممرات بتاعته مفتوحه ... وده اللى حصل بالفعل لكن رجوعنا ده كان حيخلص علينا لان النار كانت وصلت لكل حته على الارصفه .. لكن عملنا كده و العنايه الالهيه فقط هي اللي انقذتنا ... لكن السؤال ؟؟؟ هل في تفسير لتصرف الشخصين دول غير انهم كانوا بيمنعوا الناس انها تهرب من النار و تخرج بره علشان يقع اكبر عدد ممكن من الضحايا. ... انا شخصيا مش لاقي تفسير تاني غير كده الحاجه التانيه ... كلنا شفنا الفيديو بتاع الراجل اللى النار مسكت فيه و نزل على سلالم النفق و بعدين طلع تانى على فوق و جه شخص طفاه بچیرکن ميه ..كان فيه جمبه الشخص اللي مولعه فيه النار راجل و ست نازلين نفس النفق الا أنهم بعد ما نزلوا قاموا طالعين تاني على فوق رغم أن الدنيا فوق جهنم ... مش ده يأكد برضو انهم لقوا أن النفق ده مغلق والا كانوا هربوا منه على اي اتجاه تاني ... الخلاصة أن الى. حصل امبارح في محطة مصر ده من وجهة نظري المتواضعة لا هو إهمال ولا حاجه .. اللى حصل ده كان مدبر و مترتب لوقوع البلد في ورطة كبيرة وهي وفاة اكبر كم من الضحايا .. دون النظر بقى أن في ابرياء ملهومش ذنب ممكن يموتوا ...انا حاولت اوصل الشهاده دی امبارح لأي مسئول في البلد لكن معرفتش نظرا اللاصابه اللي حصلت في رجلي من التدافع ..وانا مش من أنصار نظرية المؤامرة خالص لكن اللى حصل امبارح ده ملوش اى تفسير غير أنه مؤامرة ربنا يتفظنا جميعا ويحفظ بلدنا وربنا ما يورى اللى انا شفته امبارح".
مطالبات بكشف غموض الحادث فى محطه مصر :
ما حدث في رمسيس وحجم الوجع الذي يشعر به كل مصري شريف يفرض على الأجهزة المعنية في مصر أن تتحرك للتأكد من وجود خلايا نائمة لتنظيم الإخوان المسلمين الإرهابية ليس في داخل هيئة السكك الحديدية فقط بل وفي كل مكان يمكن أن تتحول فيه مثل هذه الخلايات لعناصر هدم وقتل لملايين المصريين واستغلال حوادث قد تحدث فى الكثير من دول العالم لأسباب مختلفه فى إلحاق الضرر باكبر قدر من المواطنين لإحداث حاله من الجدل والغضب داخل المجتمع الذى يتاثر سلبيا بكثرة عدد الضحايا والقتلى فى مثل تلك الاحداث
تابعوا آخر أهل مصر على Google News
