سما المصري تهاجم منة فضالي: "مين مستني منك تطبلي له"

هاجمت الفنان سما المصري الفنانتين غادة إبراهيم ومنة فضالي، عبر صفحتها الرسمية على موقع تبادل الصور والفيديوهات الشهير "انستجرام.

سما المصري تهاجم منة فضالي وغادة إبراهيم

وجاء هذا الهجوم بعدما نشرت سما المصري صورة خبرية لمنة فضالي بعد تصريحها لاحد المواقع الالكترونية بأن هناك أوامر بتضييق الخناق عليها، لترد عليها سما المصري قائلة: "لا مش قادره لازم اعلق .. هو ليه باه كل واحده الإقبال عليها كممثله بيقل في الوسط الفني بتطلع تقول في أوامر بمنعي من التمثيل؟؟ اومال انا اعمل ايه ياجدعان؟؟ دا انا وقفت في وش الإخوان بطولي في عز ما كانوا كلهم بيطبلوا فعلا أو مستخبيين وعلي الرغم من كده عمر الدوله ماشغلتني في اي دور مع أن القنوات كلها والانتاج بقي في ايد الدولة واتحبست زمان واتشطبت من نقابة الموسيقيين ومع كده عمري ماطلعت قلت أن حد بيضيق عليا ولا مش هاطبل لحد والهبل دا".

وتابعت سما المصري: "لا والغريبة أن الاخت منة فضالي بتقول الكلام دا علي راديو الدوله 9090 طيب حضرتك أوامر ايه باه بالتضييق عليك وانت طالعه علي راديو الدولة اهو ومين هو دا اللي مستني من سيادتك انك تطبلي له؟ تفتكري هو عارفك مين ؟".

اقرأ ايضًا: في ذكرى ميلاد عمر الشريف.. بسمة تعلق: يا أراجوز المدارس

واردفت "المصري": "فكرتني بالنجمة العظيمة غادة إبراهيم لما اتحبست في قضية الآداب طلعت قالت هم بيعملوا كده عشان ابطل اتكلم في السياسه هي الاخت غاده كانت سعد زغلول وانا مش واخده بالي؟؟ الا عمر ماسمعت لك رأي سياسي حتي في برنامج طبق اليوم اهي منه دي فكرتني بيها ما .. البلد مش عارفه اسمكم ايه اصلا اه والله".