محمد إمام يوجه رسالة لمهاجميه

بعث النجم محمد إمام، رسالة إلى جمهوره عبر حسابه على "إنستجرام".

وقال محمد إمام: "شئ مش سهل إن الواحد يثبت نفسه فى نفس مجال أبوه.. خصوصاً لو الأب مش بس ناجح لا ده كمان عدى مرحلة النجاح ووصل لمكانة ماحدش غيرُه وصلها".

وتابع: "اتهاجمت كتير واتحاربت أكتر.. بس عمرى ما ركزت مع أى هجوم أو إحباط.. كان كل حياتى وتركيزى فى شغلى.. مجهود كبير فى سنين كتير علشان أثبت نفسى فى شغلانة بحبها من كل قلبى.. بس جمهورها مش بيرحم وصعب جداً ابن فنان ينجح فيها.. لحد مانتوا اللى خليتوا أفلامى من أعلى الإيرادات ومسلسلاتى من أعلى المشاهدات".

وأضاف: "شكراً لكل اللى وقف جنبى وشجعنى.. انتوا السبب بعد فضل ربنا سبحانه وتعالى أنى أمضى عقد بأعلى أجر فى مصر.. وشكراً لكل اللى حاربونى. أنتوا خلتونى أقوى بكتير.. خلوا بقى موضوع الزعيم على جنب وخلونا نشوف أكل عيشنا".