علق الفنان أحمد رزق على تفاصيل الشخصية التى قدمها في فيلم "الممر"، الذي عرض فى سباق أفلام عيد الفطر، وحقق نجاحاً كبيراً إيرادات ضخمة، ونال إشادة الجمهور والنقاد.
وقال أحمد رزق عن أسباب اتقانه لدوره فى فيلم "الممر"، خلال حلول صناع الفيلم ضيوفاً على الاعلامي عمرو اديب فى برنامج "الحكاية، المذاع عبر قناة "ام بى سى مصر": "معايا شهادة ضمان اسمها المخرج شريف عرفة، ويمكن النوع ده من الأدوار أنا عملته قبل كدة فى مع برضه شريف عرفة سنة 2002 من خلال فيلم مافيا وده كان بداية افلام الاكشن، وكان الفيلم مشدود جداً والشخصية اللي كنت بعملها كانت نفس الفكرة الشخص الكوميدي الموجود فى الفيلم".
وتابع حمد رزق: " لكن فى فيلم الممر مش مجرد شخص كوميدي هو شخص اراد التحول من شخص فاشل إلى ناجح ومفيد لمجتمعه وده اكبر دليل على انك مش لازم تبقي جندي او ظابط عشان تقدر تخدم البلد، أيا ما تكون وظيفتك تقدر تخدم البلد وفي نفس الوقت كونه انه مش عسكرى او ظابط أتاح لنا مرونة شوية فى الكوميديا".
اقرأ أيضا: أبطال فيلم "الممر" يروون لـ"الحكاية" كواليس العمل
فيلم "الممر" من بطولة كل من الفنان أحمد عز، هند صبري، أحمد رزق، أحمد فلوكس، إياد نصار، أحمد صلاح حسني، أمير صلاح الدين، أسماء أبو اليزيد، محمد فراج، ألحان المهدي، محمد جمعة، محمد حافظ، كريم العميري، وآخرين، سيناريو وحوار أمير طعيمة، قصة وإخراج شريف عرفة.
تابعوا آخر أهل مصر على Google News
