كشف الإعلامي محمد الباز، حقيقة المشهد الشهير لمحمد مرسي؛ عندما وقف في ميدان التحرير يوم الجمعة في الـ 29 من يونيو 2012؛ عندما فتح سترته أمام أنصاره من جماعة الإخوان، معلقًا وقتها: "أنا مش لابس قميص واقي أنا مبخفش إلا من الله".
وكتب "الباز"، عبر حسابه الشخصي على "فيس بوك": "كذبة مرسى الكبرى.. فاكرين محمد مرسى لما وقف فى ميدان التحرير عصر الجمعة 29 يونيو 2012، وفتح الجاكت بتاعه وقال للموجودين اللى هم كانوا أنصاره وأنصار أنصاره (أنا مش لابس قميص واقى أنا مبخفش إلا من الله؟).. دى فى الحقيقة كانت كدبة كبيرة جدا، حاول مرسى بيها إنه يظهر كبطل شعبي".
وأضاف "الباز": "الحقيقة أن مرسى كان يحاول الاستعرض بشئ مش حقيقى، لأن اللى حصل إنه فاجأ فريق الحرس الخاص بتاعه عندما خرج من دائرة الحرس واتجه لمقدمة المنصة اللى كان واقف عليها، ولما حاول الحرس يمنعه رفض، وقال أنا لا أخشى إلا الله.
اقرأ ايضا: أسامة كمال: السيسي سبب إنقاذ مصر من نفق الإخوان المظلم فى 3 يوليو
وتابع: "بعدها بشهور كنت قابلت واحد من قادة الحرس الجمهورى اللى كان موجود على المنصة، ولما فكرته باللى حصل، ضحك جدا وقال لى: (مرسى ده كان أكتر واحد خواف شفته فى حياتى، وبالنسبة لموضوع القميص هو رفض القميص الواقى اللى الحرس قدمه له، لكنه طلب من جماعة الإخوان إنهم يجيبوا قميص من عندهم، وفعلا جابوا له قميص رقيق جدا من نوع خاص، ولما سمعته بيقول اللى قاله، قلت لنفسى: يا ابن النصابة".
تابعوا آخر أهل مصر على Google News
