كشف نجم ستار أكاديمي للموسم العاشر المطرب محمد شاهين، عن موعد طرح أول ألبوماته الغنائية، أنه سوف يكون عقب الإنتهاء من بطولة كأس الأمم الإفريقية.
اقرأ أيضا.. لطيفة: لا أستطيع الغناء في تونس منذ 9 سنوات
وكتب محمد شاهين عبر حسابه الشخصي بموقع التواصل الإجتماعي فيسبوك: "ثقتي في ربنا سبحانه وتعالي مالهاش حدود ومتأكد وعارف، ان ربنا هيجازيني خير في الألبوم اللي تعبت فيه وناس كتير جدا تعبت فيه انا يمكن اول مرة هقول الكلمتين دول بس لازم اقولهم وانا عارف ان اغلبية الناس الفنانين عارفين الكلمتين دول كويس احنا بقينا في زمن ماشي بالعكس بشكل غريب عايز تبقي ترند الصبح اعمل حاجة تافهة وهتبقي ناجح ومطلوب احنا اللي للأسف بنعمل من الحاجة التافهة حاجة كبيرة وليها شأن كل يوم بيطلع ترند جديد وحاجات مقرفة".
وتابع: "اتمنى الخير لكل الچيل بتاعي وربنا يكرمنا وكل حد فينا يحقق اللي نفسه فيه ونقدر نوصل الفن النظيف والثقافة الجميلة في كل مكان في الدنيا، ان شاء الله الالبوم نازل بعد امم افريقيا علي طول دعواتكم".