إزاي تنفك العقدة ونرتاح

إزاي تنْفك العقدة ونرتاح

سؤال

وإزاي تخرج بره الجرح المّدة وتتلّم جراح

سؤال

ويا ليل ويا عين ويا كل الويل والآه

ديه سؤالنا سؤال بقاله دهور وسنين على حاله وعلى حالته سؤال

مش عايز يتحل ويتحلل وديه يبقى برده يا خويا حلال

سؤالنا سؤال بس سؤال

ليه الحال مبيتغيرشي في كل الأحوال

مع أن الحزن مالينا جنوب وشمال

والكل بيصرخ بيعاني بقوة يا خال

سؤالنا سؤال من كتر ما لف ودار بأه زي مريض تعبان على قد الحال

بأه زي المطلقة من جوزها ماشية وجرا وراها رتل عيال

سؤالنا سؤال جوابه بسيط محتاج تشغيل لخيال

بس خيال أيوه والله خيال

مش دكتورهات ولا ناس صاحيه م الأموات

أوزان أحمال

يوم تتحط ويوم تنشال

لأ لأ ده بجد بجد حقيقي محال

لف ودوران عالطول عالطول شغال

دا بأه زي لبان في البُق بيتمّط وعمال

يكبر يكبر لحد ما قرب يجي منه عيال

أيوه الله عيال..

صدقني يا خال..

وديه يبقى حلال..

أوزان أحمال..

والمطلقة بعيال..

عالطول شغال..

إفصلي يا آمال..

ديه سؤالنا سؤال وهيفضل طول العمر حبيبي سؤال.