نشرت الاعلامية ريهام سعيد، مقطع فيديو، عبر حسابها الرسمي على موقع الصور والفيديوهات الشهير "إنستجرام"، للتعليق على قرار إيقافها اليوم الأربعاء عن مزاولة الإعلام لمدة عام من قبل المجلس الأعلى للإعلام.
وقالت ريهام سعيد في الفيديو: "انا كويسة الحمد لله ومحترمة أي قرار يتاخد لان انا كل الحكاية اني كنت هكمل الشهرين او التلاتة اللي في عقدي واعتزل، وعمري ما هرجع فقراري، وقعت في مشاكل كتير قبل كدة وعمري ما قلت انا مش راجعة، لكن المرادي انا مش هرجع فقرار الاعتزال عشان تعبت، انا كل محد يحب يوقعني يعمل حملة صحفية ويدي ايحاء غط للناس وكلام غلط ونص مليون واحد بيقرروا مصيرك قاعدين على السوشيال".
اقرأ ايضا: ريهام سعيد ترد على قرار إيقافها: أنا واحدة بجاهد التخن طول عمري (فيديو)
وتابعت ريهام سعيد: "انا تعبت وجه الوقت اللي اخذ فيه بالي من ولادي، والقرار بيقول ان انا غلطانه، الحقيقة انا حاولت ابرر كتير اني الوحيدة اللي اتحركت عشان تساعد مرضى السمنة ودي يمكن الحملة رقم 6 ليا على مدى 12 سنة،عملت جراحات وريجيمات ونزلت لفيت حول نادي الجزيرة وجريت بكل الستات المليانة، عملت حاجات كتير عشان اساعدهم وقولت ان عمي وخالتي ماتوا بسبب السمنة".
واكملت "سعيد": "فخورة بنفسي وقرار المجلس الأعلى للإعلام بيقول اني عملت جريمة في حق الست المصرية، الست المصرية ضيعت 16 سنة من عمري عشان اساعدهم، وربنا هيفتحلي باب اكبر بكتير مش هبطل اعمل خير وهساعد الناس على قد ماقدر، لانه ادمان، وبشكر كل واحد كتب كلمة كويسة عني وبشكر اهلي واصحابي وناس كتير شمتانة والله ماشايفاهم بتشمتوا في ايه؟.
تابعوا آخر أهل مصر على Google News
