وجه الفنان محمد فؤاد، التحية للرئيس عبد الفتاح السيسي، قائلا إنه واجهة مصر المشرفة في العالم، والقوات المسلحة المصرية خط أحمر.
وأضاف فؤاد في مكالمة هاتفية مع الإعلامي أحمد موسى، على قناة صدى البلد: "مصر منتصرة على كل الأفواه القذرة وكل الخائبين لو نظروا في المرآة وجدوا حجم السخافة، إنما شعب مصر غير شتام، وإحنا كمان بنعرف نردح، لكن احتراما لأصول دينية وكرامة بلد مش هنعمل كده"،
وأوضح: "أنا مش عايز أغلط في ثورة يناير علشان خايف على مشاعركم أنا عمري ما كنتش أتخيل اني اتشتم علشان بحب بلدي إحنا عايشين في كوكب تاني علشان بحب رئيس بلدي أبقى منافق".
وتابع: "الجيش خط احمر والرئيس واجهة لنا والشرطة مبتنمش علشاننا، وتنام في أمان وعند ربنا ليه مكانة عالية جدا، ربنا بيكرموا وأنت بتهينوا يبقى انت راجل مش سليم، أي حد يختلف معانا في ده مش تمام".
واستطرد: "والله العظيم لو حد بيسمعني من أمثال دول، لو بتكرهني علشان بحب بلدي غور في داهية وهبطل الغناء الصبح بلدي أهم، أنا صعبان عليا أبوه جدا، وكان المفروض ييجي زحف على بطنه عشان خاطر دمعه أبوه اللي نزلت، أقسم بالله عيطت بسبب أبو محمد علي".
تابعوا آخر أهل مصر على Google News
