شهدت الساحة الفنية، خلال الأيام الماضية، حالة من الاحتقان بين الفنانين محمد رمضان وأحمد حلمي، الأمر الذي تحول إلى سجال بين جمهور الفنانين على مواقع التواصل الاجتماعي.
البداية كانت بعد قيام الفنان محمد رمضان بنشر صورة لسيارته الجديدة ليشارك بها جمهوره عبر صفحته على فيسبوك، وبعد ذلك نشر الفنان أحمد حلمي صورة له من داخل سيارته مصحوبًا بتعليق: "تقدر تبوح بسر ينفع الناس؟؟ للاسف لأ.. ماهو عيب الاسرار كده.. اكتر حاجه ممكن تفيد الناس بس للاسف مينفعش تتقال، ده كلام في سرك.. ششششش".
تناقلت وسائل الإعلام ومواقع التواصل الاجتماعي ما كتبه حلمي مؤكدين أنها رسالة لرمضان، ما دفع الأخير للرد عليه بصورة هجومية، حيث كتب «الأسطورة» على صفحته الشخصية: "قررت أبوح بسر يفيد بعض زملائي من أسرار نجاحي الذي هو الحمد لله أسرع من لامبورجيني نفسها وذلك بفضل الله أولًا ثم جمهوري الغالي، عمرك شوفت حد قال ثقة في الله رقم واحد في الملأ قبل اي منافسة وبالفعل بيسبق وبيبقى رقم واحد؟!".
وأضاف: "العبد لله ومن اول يوم رجلي دخلت هذا المجال، خلاصة الكلام: إدعاء الفقر والاستنصاح على الناس مش هيزود شعبيتك ولا هينقصها، الشعبية والجماهيرية تكتسبها بحبك وإخلاصك لشغلك من اجل إمتاع جمهورك، هتقولي بس انت مش شايف الهجوم، هقولك متعود عليه وهيفضل موجود طول ما انا موجود، والدليل الهجوم اللي كان على بعض الزملاء مبقاش موجود ليه ؟! لان الزميل نفسه مبقاش موجود، وخد دي زميلي العزيز ثقة في الله نجاحي متصاعد".
بعد تصاعد الأزمة قرر حلمي الرد عليها، حيث كتب عبر صفحته الرسمية على فيسبوك: "أعزائي الكرام.، توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق، واللي الناس فهمت انها بغرض اني بوجهه رساله لزميلي الفنان "محمد رمضان" وهذا ما احزني كثيرا".
وأضاف: "يا جماعه انا لو عايز اوجه رساله لاي حد اعرفه كويس او حتي معرفوش مش هاعمل كده علي مواقع التواصل الاجتماعي.. لاني عمري ما عملت كده ابدا لاني ببساطه ممكن ابعتله رساله علي موبيله او هاكلمه في التليفون".
كما تابع: "اما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع انه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا وليه علاقه بالعربيه الميني.. علشان كده نهيت الكلام المكتوب بـ "ده كلام في سرك..... ششش".
واختتم بقوله: "زميلي العزيز محمد رمضان ربنا معاك ويوفقك دايما، وتحقق كل اللي نفسك فيه في حياتك الفنية".
من جانبه علق رمضان على ما كتبه حلمي بقوله: "صباح الخير، شكرًا للتوضيح وتمنياتي لك بالنجاح الفني والعائلي زميلي العزيز أحمد حلمي".
تابعوا آخر أهل مصر على Google News
