علقت الفنانة شيرين عبد الوهاب على الهجوم الذي تعرضت له من قبل بعض متابعيها على مواقع التواصل الاجتماعي، بعد إعلان استعداداتها لإقامة حفل يخصص العائد المادي منه للمتضررين من الحريق الضخم الذي شب في لبنان اليوم.
إعتزال شيرين عبد الوهاب
وقالت شيرين عبد الوهاب من خلال حسابها الرسمي على موقع الصور والفيديوهات "إنستجرام": "عارفة ومتأكدة أن الأغلبية متصالحين مع أنفسهم ومحترمين.. ولو انا كنت ببص للناس اللي كارهة نفسها وكارهة نجاح الأخرين ومش عاجبها حاجة مكنتش اتقدمت في حياتي ولا أنجزت اي حاجة".
اقرأ أيضا.. الشعب اللبناني يشكر شيرين عبد الوهاب بعد مبادرتها لمساعدة المتضررين من حرائق لبنان
وتابعت شيرين: "النهاردة انا نزلت بوست للبنان علشان حبيت اساعد بأي حاجة اقدر عليها واللي اقدر عليه هو صوتي انا مش طبيبية ولا مهندسة.. وده اللي ممكن اساهم بيه علشان حتى لو ساهمت بفلوس مهما كانت هتكون قليلة قررت اكون إيجابية واعمل حاجة اساعد بيها.. لما شفت التعليقات على منشوري الأخير اكتشفت أن مهما الانسان عمل مش هيعجب الناس ده غير إنهم مرة يحملوني ويسقطوني ومرة يجوزوني ومرة يطلعوني معنديش انتماء لبلدي".
واختتمت قائلة: "فمبا أن أنا شخص مش مغلوب على أمره قررت اقفل كل حاجة ليها علاقة بالسوشيال ميديا عشان مأذيش نفسي ولا المتابعين ارجو من محبيني ما يزعلوش منى علشان دي حاجة هتريحني وتفرحني".
تابعوا آخر أهل مصر على Google News
