حكت الفنانة إيمي ابنة الفنان الكبير الراحل طلعت زكريا، كواليس الأيام الأخيرة من حياة الفنان قبل أن تغادر روحه إلى خالقها، وذلك في مداخلة هاتفية مع الإعلامي شريف عامر، ببرنامج "يحدث في مصر، المذاع عبر قناة "ام بي سي مصر".
وقالت إيمي طلعت زكريا: "اللي الناس متعرفوش ان هو قبل ما يتوفى كان قاعد في المستشفى 3 ايام وبعد كدة لقينا الحالة بتدهور وطبعا كل ده بسبب السجائر، وهو الفترة الأخيرة كان بيشرب سجائر بطريقة كبيرة جدا ومكناش عارفين نعمل عليه كنترول في موضوع السجائر فنفسه تعبه شوية فدخلنا قالوا إن هو لازم يتحجز بقينا انا وعمر اخويا ووالدتي معاه في المستشفى باستمرار".
وتابعت: "الدكاترة ابتدوا يقولوا أن الجسم مش بيتسجيب ومكناش عايزين حد يعرف فاكرينها وعكة بسيطة وتعدي ويخرج بكمل بقيت شغله خصوصًا أن هو كان عنده تصوير فيلم في اليوم اللي تعب فيه، بعدين كلمت دكتور أشرف ذكي الساعة 2 بليل قلت له يا دكتور أنا مش عارفة اتصرف ومش عارفة اعمل حاجة بابا تعبان، فقالي الصبح هكون عندك وكلموني في المستشفى قالولي القلب توقف كذا مرة ولو توقف تاني هيبقى خطر فجرينا على المستشفى وكانت نهال عنبر وصلت معانا".
وأردفت: "الدكتور قالنا الوضع مش مطمن الجسم مبيستجبش، مفيش ربع ساعة الدكاترة بلغونا ان هو توفى نزلنا نجري واتكلمت معاه ان مينفعش تسيبني دلوقتي أنا محتجالك فهو راح فحتة احسن عشان هو كان تعبان مكنتش اعرف ان ابويا محبوب كده والجنازة بتاعته كانت ولا جنازة رئيس جمهورية".
تابعوا آخر أهل مصر على Google News
