سردت لمياء نجلة الفنان القدير الراحل أحمد راتب، عدد من المواقف الإنسانية التي لا يعلم الجمهور بها عن والدها، حيث نشرت منشورا لها عبر إحدى مجموعات موقع التواصل الاجتماعي "فيسبوك".
وقالت لمياء أحمد راتب: "اسمحوا لي أسرد لكم مواقف بسيطة، نفسي الناس كلها تعرفها عن أبويا الله يرحمه، بابا أول لما اتجوز ماما كان لسة مش معروف و مش بيشتغل بالتمثيل بشكل منتظم، كان بيروح مبنى الإذاعة يفضل قاعد من 9 الصبح لحد الليل عشان لو حد طلب أداء صوتي يعمله و ياخد عليه 2 جنيه".
وتابعت: "مشهد نزوله البحر بالليل في فيلم جزيرة الشيطان كان متصور في شرم الشيخ في شهر يناير، ووقت عرض مسرحية "الزيارة إنتهت"، ترك والده متوفياً في البيت لم يغسّل بعد، و ذهب لعرض الدور المسرحي و الإلتزام بمسؤوليته (الدور كان كوميدي)".وواصلت لمياء حديثها قائلة: "وقت عرض مسرحية “الزعيم” و في طريقه للمسرح، توقفت الحركة المرورية تماماً و ذهب للمسرح مشياً على الأقدام من ميدان الرماية حتى مسرح الهرم، أبويا توفى و لم يترك لنا حتى فاتورة تليفون متأخرة أو دين غير مدفوع".وأكملت ابنة القدير الراحل أحمد راتب: "مرة كان قاعد في النادي وجت عصفورة مش شايفة الباب الزجاج خبطت فيه وقعت على الأرض، جابها البيت وفضل يراعيها لحد لما قدرت تطير، كان بيشتري خس مخصوص و يحوش الورق بتاعه عشان أختي تديه للسلحفاه بتاعتها تاكله".اقرأ ايضا.. شاهد.. أخر لقاء تلفزيوني للفنان الراحل أحمد راتب قبل وفاته
واختتمت قائلة: "لما كان يجيبلي حاجة بحبها (حتى لو كيلو برتقال) لازم ياخدني من إيدي يوريها لي عشان يشوف الفرحة في عيني.. أخر حاجة بابا عملها في البيت (في قمة ألمه و قبل وفاته بخمس أيام، و في وقت إنتظار عربة الإسعاف) قبل ذهابه بالاسعاف للمستشفى مباشرة، غسل و قطع تفاحة لحفيده حمزه لمجرد انه قال قدامه عايز تفاحة.. أبويا قبل ما يتوفى بأسبوع كان واقف بيمثل على المسرح". ورحل عن عالمنا النجم القدير أحمد راتب، يوم الأربعاء 17 ديسمبر 2016، عن عمر يناهز 67 عامًا، اثر تعرضه لأزمة قلبية حادة.
تابعوا آخر أهل مصر على Google News
