أعرب الكاتب والسيناريست مدحت العدل، عن معارضته للانتقادات التي وجهت للإعلامية أسما شريف منير، ابنة الفنان شريف منير، إثر وصفها الشيخ محمد متولي الشعراوي بـ"المتطرف".
جاء هذا في مشاركة عبر الهاتف أجراها ببرنامج "الحكاية" على قناة "mbc" مع الإعلامي عمرو أديب، حيث صرح: "من حقنا ناقشه.. هو مش الرسول.. احنا اللي بنعمل للناس قدسية.. هي مغلطتش في القرآن ولا السنة".
اقرأ أيضا: بعد وصفها للشعراوي بالمتطرف.. أسما شريف منير: عايزة أموت نفسي (فيديو)
وتابع: "هل أنا مش من حقي كمسلم إني انتقده لو قال رأي ميعجبنيش، ولو انتقدته الناس تقولي لازم تستتاب، أليس هذا تعديا على الدين نفسه".
وقال: "أنا لو انتقدته في رأي هل كدة انا كفرت.. اللي حصل مع اسما شريف ده بيخلي أبنائنا مرعوبين وميقولوش آرائهم.. اللي بيحصل ده ارهاب فكري بحقهم بيحسوا انهم هيتدبحوا".
وكانت الإعلامية أسما شريف منير وصفت الشيخ محمد الشعراوي بأنه متطرف ولاقت وابلا من التعليقات الحادة والهجوم الشديد عليه، حيث أن اسما شريف منير كتبت: "صباح الخير عايزة اخد رأيك في حاجة، بقالي كتير مش عندي ثقة في اغلب الشيوخ، كتير منهم مدعين ويا متشددين اوي يا خلطين الدين بالسياسة، نفسي اسمع حد معتدل محترم معلوماته مش مغلوطة، لسه في حد كده؟"
وكان سبب هذا الهجوم بعدما كتبت إحدى متابعات اسما شريف منير عبر حسابها بموقع التواصل الإجتماعي "فيسبوك":" طلعي دروس الشيخ الشعراوي من you tube مفيش احسن منه فعلا"، لترد عليها اسما الرد الصادم لمتابعيها: "طول عمري كنت بسمعه زمان مع جدي الله يرحمه ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلا عقلي ما عرفتش استوعبه، حقيقي استغربت"، وتابعت كلامها: "هدورلك على الفيديوهات اللي خلتني ابطل اشوفوا".
تابعوا آخر أهل مصر على Google News
