كشفت أميرة رزق المشهورة بـ"فتاة العياط"، كواليس واقعة قتلها للشاب "مهند" الذي اتهمته بمحاولة اغتصابها قائلة: "ناسية ومش فاكرة أنا عملت كده إزاي، أنا كنت رايحة عند تيتا وواحدة صاحبتي أعطت رقمي لوائل وكان زميل لي في شغل بأكتوبر واتقدملي وبابا رفضه وقعدني من الشغل علشان ميشوفنيش".
وأضافت "أميرة"، خلال لقائها بالإعلامي شريف عامر، مقدم برنامج "يحدث في مصر"، والمذاع على فضائية "إم بي سي مصر": "ورن علي وطلب يقابلني بعد ما قلتله أنا في مصر قلتله ماشي أول حاجة عملها خد تلفوني وركب أتوبيس ورنيت عليه علشان الموبايل فرد علي واحد اسمه مهند قاللي أنا في الجيزة ولقيت موبايلك وذهبت له".
وأشارت إلى أن مهند شرح للسائق الذي كانت معه في الميكروباص، وأبلغه بالعنوان الذي ينتظرني فيه، "نزلت وكان مستنيني في بنزينه برانشت، فقاله نزلها، فقولتله هات التليفون فقالي اركبي بس".
وتابعت: "سألته على التليفون رد عليا وقالي التليفون رجعته لصحابه، وائل وإبراهيم، فسألته ليه جايبني هنا، فقالي هوديكي ليهم وقالي أنا مش لقيهم فقالي إنتي منين، قولتله من الفيوم، فقالي هوديكي عربية توصلك الفيوم، وفجأة لقيته في الجبل وعايز حاجات مش كويسة ومسكني من رقبتي وبيهددني بالقتل وبيقولي كده كده هتموتي وخربشني ومش عارفة أعمل إيه فعملت نفسي أن أنا موافقة وحط السكينة".
واختتمت: "أول ما نزل علشان يلفلي خد السكينة وخبطه بيها وكنت خايفة وجسمي بدأ يرتعش ورحت سلمت نفسي وجم معايا وروحنا الجبل وشافوا الولد".
تابعوا آخر أهل مصر على Google News
