قالت الفنانة ايمي ابنة الفنان الراحل طلعت زكريا، إنها حزينة للغاية على فراق والدها، ولكنها مبسوطة لأنه في مكان أفضل، وذلك خلال حلولها هي وشقيقها عمر طلعت زكريا ضيوفا على برنامج "عرب وود" المذاع عبر قناة "روتانا سينما".
طلعت زكريا
وقال نجل طلعت زكريا: "مش عايز اظلم حد ومش عايز اشكر حد ومش عايز اقول ده قصر وده مقصرش، وفيه ناس كتير قصرت وكان اخر كلامه ديما لاننا اهم ناس في حياته خلوا بالكوا من بعض". وتابعت ابنته: "فيه فكرة فيلم جاتلي ان فيه بوست انتشر على فيسبوك إن طلعت زكريا كان نفسه في فيلا ولما جابها جاله فيروس وموته، ومن هنا جاتلي الفكرة ان ليه معملش حاجة تخلي الناس تعرف طلعت زكريا عن قرب وفنفس الوقت تعرف ان الكلام ده مش صح".اقرأ ايضا.. نجل الراحل طلعت زكريا: وحشتنا بقى يا عم
وواصلت كلامها قائلة: "في ايامه الاخيرة من وقت فرح هنا الزاهد كنا في الفرح وكان فيه فيديو انا وهو طلع ترند، حسيت ان هو مش معانا في ملكوت تاني بجد، فانا جالي احساس بده، واحنا في البيت قاعدة انا وهو قبل وفاته بنتكلم فبقوله بابا عيد ميلادي قرب، عيد ميلادي كان 8/10 وهو توفي 22/10، وكل سنة بيعمله، فقولتله بابا هنعمله فين وبنهرج ابتسم وقال بلاش تعمليه السنادي".
تابعوا آخر أهل مصر على Google News
