حساسين: «هو احنا ليه ما عندناش جوجل عربي»

دعا سعيد حساسين، عضو جلس النواب لمقاطعة محرك البحث «جوجل»، داعيًا الحكام العرب للاجتماع من أجل الوصول لتلك الغاية، متسائلًا: «ليه معندناش جوجل عربي؟ ليه؟ عارفين ليه؟ لأن دول الغرب أخدوا فلوسنا وقالولنا تعالوا اشتروا عقارات في لندن، أو مصنع في ألمانيا.. دخلونا في استثمارات تقويهم وهما اشتغلوا في الحاجات اللي تخرب بيوتنا».

أضاف حساسين، خلال تقديمه برنامجه «انفراد»، عبر فضائية «العاصمة»، المملوكة له، «جوجل شالوا فلسطين من الخريطة، تخطيط يهود، ما هما يهود، أنا بطالب الدول العربية مجتمعة إنهم يعملولنا جوجل عربي، وده مكسب للكل، وأنا معرفش جامعة الدول العربية بتعمل إيه، أتمنى من وزراء الاتصالات العرب أن يجدوا حلًا في القريب العاجل».