وجهت الفنانة نشوى مصطفى رسالة إلى ما أسمتهم "مليشيا جماعة الإخوان"، بعد الهجوم الذي تعرضت له مؤخرا، في أعقاب تعليقها على قضية الطالبة أميرة العراقي، نجلة القيادي الإخواني والأولى على الثانوية العامة.
وقالت "نشوى" عبر صفحتها على فيسبوك: "وعلى سبيل العند والدماغ الحجر، وبما انى ماعنديش شغل وفاضية لكم والشتيمة بتزودنىً عناد، وبما ان الاقساط خلصت يعنى البال رايق، وبما انى مصرية ومابخافش ولا بتهز ولا باتأثر بشتيمة ولا بتهديدات الفيران ميليشيات الاخوان الجبناء، فبعون الله انا لكم انا بجاهد برأيى وحافضحكم، غيرى من الابطال عشاق مصر المجاهدين فى سبيل الله والوطن بيتصدقوا بارواحهم بيسيبوا بيوتهم وزوجاتهم واطفالهم فى معية الله غير مباليين، انتم جرذان، اذا كنتم مليون فمصر فيها تسعين مليون بيكرهوكم، والدليل الراجل فيكم يمشى فى الشارع يقول انا اخوان، نسيت صحيح انتوا بتهربوا وانتوا لابسين النقاب".
وأضافت: "خلوا بالكم هدف الاخوان اللي شغالين عليه المرحلة دى يسمى مخطط الحرب كذبة، يعنى خططهم على السوشيال ميديا نشر اليأس وروح الهزيمة، هما شغالين على موضوع القرض بتاع البنك الدولى، وحكاية ان وزيرة الاستثمار قالت لازم نبيع بعض الأصول، انا فى الاول انخضيت، بس لانى لما بتخض بذاكر، ولان شوية الاقتصاد اللي ذاكرناهم بينفعوا فى الظروف اللي زى دى، فالموضوع بسيط جدًا بس محتاج شرح، وهرد بالمستندات اللي فى التقارير المنشورة فى مواقع عالمية".
تابعوا آخر أهل مصر على Google News
