محمود العسيلي: فشلت في تجربتين والتالتة تابتة (صور)

نشر الفنان محمود العسيلي مساء اليوم، عبر حسابه الرسمي على موقع تبادل الصور والفيديوهات الشهير "إنستجرام"، مجموعة من الصور برفقة زوجته أمنية عبد المنعم خبيرة التجميل، بعد أن تم عقد قرانهما أمس الثلاثاء.

محمود العسيلي وزوجته

ووجه محمود العسيلي رسالة قال فيها: "تبات و نبات، الفستان الأبيض، إحساسك ايه النهارده، الليلة واخيرا فرحة، أغاني عملتها من اول ما ابتديت لغاية النهارده باتكلم فيها عن العيلة و الاستقرار و الحب و العيال .. كل أغنية فيهم بتتكلم عن موقف جميل وأسلوب حياة كنت باحلم إني أعيشها".

وتابع قائلا: "وفعلا حاولت في تجربتين جواز إني أشوف الحياة اللي أنا باحلم بيها تتحقق على أرض الواقع و لكن للأسف التجربتين منجحوش .. و الفشل مش لازم يكون معناه ان حد وحش..لا ..هو بيكون تقصير من الطرفين و بيكون بجد قدر ونصيب".

View this post on Instagram

تبات و نبات، الفستان الأبيض، إحساسك ايه النهارده، الليلة و اخيرا فرحة، أغاني عملتها من اول ما ابتديت لغاية النهارده باتكلم فيها عن العيلة و الاستقرار و الحب و العيال .. كل أغنية فيهم بتتكلم عن موقف جميل و أسلوب حياة كنت بأحلم إني أعيشها و فعلا حاولت في تجربتين جواز إني اشوف الحياة اللي أنا باحلم بيها تتحقق على ارض الواقع و لكن للأسف التجربتين مانجحوش .. و الفشل مش لازم يكون معناه ان حد وحش..لا ..هو بيكون تقصير من الطرفين و بيكون بجد قدر ونصيب.. الفشل عمره ما كان عيب بس الكارثة الحقيقة اللي ناس كتير بتعملها فهي الاستمرار في الفشل و التصميم على التعاسة عشان ظروف خارجية او وهمية مالهاش علاقة بالاتنين اللي عايشين في الدوامة و خلاص بيغرقوا.. أنا رفضت أعيش تعيس و هافضل ادور عن السعادة اللي كتبتها في الأغاني بتاعتي و باتمنى من ربنا سبحانه و تعالى إني أكون لقيتها فعلا و تكون التالتة التابته ❤️ 💍 👰 🤵 A post shared by Mahmoud El Esseilyالعسيلي (@esseily) on Jan 8, 2020 at 6:19am PST

اقرأ ايضا.. الصور الأولى من عقد قران محمود العسيلي

وأختتم العسيلي قائلا: "الفشل عمره ما كان عيب بس الكارثة الحقيقة اللي ناس كتير بتعملها فهي الاستمرار في الفشل و التصميم على التعاسة عشان ظروف خارجية او وهمية مالهاش علاقة بالاتنين اللي عايشين في الدوامة و خلاص بيغرقوا.. أنا رفضت أعيش تعيس و هافضل ادور عن السعادة اللي كتبتها في الأغاني بتاعتي و باتمنى من ربنا سبحانه و تعالى إني أكون لقيتها فعلا و تكون التالتة التابتة".