طرحت النجمة شيرين عبد الوهاب، أغنية "مش قد الهوى"، أحدث أغانيها التي عادت بها للجمهور بعد غياب طويل، وذلك مساء أمس الجمعة 3 إبريل، على قناة شيرين بموقع الفيديوهات الشهير يوتيوب.
شيرين مش قد الهوى
وتعد أغنية شيرين "مش قد الهوى"، من كلمات محمد الغنيمي، ألحان محمد رحيم، توزيع أحمد ابراهيم، وحققت الاغنية نسبة مشاهدة عالية عقب طرحها بساعات وصلت إلى حوالي ربع مليون مشاهدة على اليوتيوب.
كمات أغنية مش قد الهوى لـ شيرين
قالي إنتي مش قد الهوى.. سيبي الهوى لناسه
إيه دخلك بإحساسه.. البعد فيكي حلال
وأنا من ساعتها بعدت
قالي من الكلام اللي بيوجع ياما بزيادة.. وأنا سبته يتمادى
أصل السكوت في الحالة دي هو أبلغ رد
عايزني أحبه وأمشي في سكة مغمضة وياه.. وأصبح ألاقي نفسي ضحية جديدة من ضحاياه
وأخدلي سنين دموع عذاب وندم.. وأنا بنساه
هنساه
عايزني أسيبله قلبي ده اللي محلتيش غيره.. وأسلم ليه وأسيب نفسي وأنا واثقة في ضميره
وضميره مات واللي يموت ما بترجعلوش حياة
عارفة أنه مجروح جرح مش قادر في يوم ينساه والجرح ده خلاه يشوف في كل واحدة من حبه القديم صورة
خايفة أديله قلبي وأكون له حضن أمان فيكسرني.. ومين هينصرني
ساعتها لو خاني يا ناس ما أنا برضه معذورة
عايزني أحبه وأمشي في سكة مغمضة وياه.. وأصبح ألاقي نفسي ضحية جديدة من ضحاياه
وآخد سنين دموع وعذاب وندم.. وأنا بنساه
هنساه
عايزني أسيبله قلبي ده اللي محلتيش غيره.. آه وأنا واثقة في ضميره
وضميره مات واللي يموت ما بترجعلوش حياة
شيرين عبد الوهاب
وكانت المطربة شيرين عبد الوهاب، كشفت لجمهورها ومحبيها، عن طرح أغنيتها الجديدة مش قد الهوى، قبل الانتهاء من توزيعها، وذلك من خلال حسابها الرسمي على موقع التدوينات القصيرة تويتر.
وقالت شيرين لجمهورها:"إنتم مش عارفين أنا بحبكم قد إيه وحبكم ده أهم حاجة عندي، وزي ما وعدتكم فيه أغنية جديدة جاية من أقرب الأغاني لقلبي ومع إن توزيعها لسه مخلصش قررت أسمعها لكم علشان تفرحكم زي ما فرحتوني... بحبكم".
تابعوا آخر أهل مصر على Google News
