رانيا ياسين توضح أسباب عدم التزام بعض الفنانين بحملة "خليك في البيت"

وضحت الفنانة رانيا ياسين أسباب الفنانين الذين لم يلتزموا بحملة "خليك في البيت" من أجل تصوير مسلسل رمضان، وكتبت عبر حسابها بموقع التواصل الإجتماعي "فيسبوك": "في هجوم علي الفنانين انهم بيقولوا خليكم في البيت وهما بينزلوا يكملوا مسلسلات رمضان".

وتابعت: "اولا ده اسمه ألتزام والفنان مافيش في ايده حاجه غير انه يلتزم طالما الجهه المنتجه طالبه منه انه يكمل في اعمال تعدت اكثر من نصفها ولازم تخلص انا لو عندي عمل بيتصور قبل الكورونا و الانتاج عايز يكمله علشان خراب بيته والتعاقدات بتاعت المسلسل الي هو البيع خارجي و العاملين الي داخل عليهم رمضان محتاجين برضه فلوسهم فلازم اضطر اكمل وانا خايفه ورزقي علي الله".

واختتم كلامه: "ده مش ذنب الممثل خالص اللي هو الوحيد ميقدرش يلبس كمامة وهو بيمثل ولا جوانتي ولا ينفع ما يلمسش سطح حواليه وهو بيمثل المشهد كله ممكن يعمل ده الا هو لذلك بيضطر ينزل يلتزم لكن لو اتقالوا العمل هيخلص بعد رمضان اكيد هيبقي احسن بالنسبله لان ياروح ما بعدك روح انا مثلا يعني اتعرض عليه مسلسل بعد ازمه كورونا اعتذرت طبعا بس لو كنت بكمل مسلسل واتقالي انزلي هنزل طبعا ما فيش في ايدي حاجه اعملها غير الالتزام ارجوكم ارحموا الفنانين من كل هجوم في اي ازمه في الكون".