هاجمت الفنانة داليا البحيري أصحاب العاملة الغير منتظمة والمواطنين المخالفين لقرارات حظر التجوال أو من يقصرون في اجراءات الوقاية من فيروس كورونا المستجد، واستخفوا بانتشار فيروس كورونا عبر النزول في الشوارع.
ونتناول في التقرير التالي، الهجوم الذي شنته الفنانة على العمالة غير المنتظمة، والرد الذي فسرت من خلاله حديثها.
داليا البحيري تهاجم العمالة غير المنتظمة
ونشرت "البحيري" في وقت سابق أمس عبر صفحتها الشخصية على موقع التواصل الاجتماعي "فسيبوك"، معلقة: "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه".
وأضافت: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".
وتابعت: "لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
داليا البحيري توضح حقيقة تصريحاتهاوردت الفنانة داليا البحيري من خلال فيديو جديد نشرته عبر موقع تبادل الصور والفيديوهات "انستجرام"، توضح من خلاله حقيقة ما قالته عن العماله اليومية، معلقة بأن هناك بعض التفسيرات الخاطئة للمنشور والذى تهاجم فيه المواطنين غير الملتزمين بقرارات الدولة والإجراءات الوقائية لمنع انتشار فيروس كورونا.
وأشارت "البحيري" إلى أنه في ذات الوقت الذي ينزل فيه الناس للتنزه التزمت بالتواجد في منزلها لمدة تزيد عن شهر للوقاية من انتشار الفيروس.
وقالت الفنانة: "لازم يكون في إجراءات رادعة والناس تبقى عندها دم، وأنا هنا مش بتكلم على الناس اللي نازلة ورا أكل عيشها، أنا بقول اللى بيتفسحوا وكمان مش ملتزمين بأي إجراءات وقائيه لا حد لابس كمامة، ومتجمعين قريبين من بعض، وعلى فكرة اللى بيحصل ده يضر العمالة اليومية أكثر ،وكان من المفروض على الشركات أن توفر للعمالة الخاصة بها أماكن تعيش فيها".
تابعوا آخر أهل مصر على Google News
