القمص مرقص: كورونا رسالة عشان الناس تصحى بعد أن حللوا النجاسة

قال القمص رويس مرقص، الوكيل البابوي السابق وراعي كنيسة السيدة العذراء والشهيد العظيم مارجرجس بغبريال في الإسكندرية، إن المسيح حزين على خطايا البشرية، وكل خطية بمثابة دق مسمار في يد المسيح، "المسيح ميستاهلش مننا كده خالص فالمسيح حزن لأنه رأى الإنسان يسقط في الخطية، وحزن لأنه رأى تلميذه الذي أكل خبزه رفع له عقبه وسلمه بأبخس الأثمان وحزن لأنه رأى العديد من البشر عايشين في تيار الخطية والابتعاد عن طريق ربنا وحزن لأنه رأى الحزانى بأتعاب الحياة وأوجاع اليتامى وأنين الأسر وصراخ المظلومين".

وتحدث مرقص، خلال كلمة روحية للأقباط من الكنيسة دون شعب، بمناسبة الجمعة العظيمة، مساء السبت، عن أحداث جثسيماني: "يوجد بيننا الآن أناس كثيرون حللوا النجاسة لأنفسهم وخالفوا الشريعة، وأصبحت النجاسة في حياتنا كالماء الذي نشربه".

وأضاف مرقص، قائلًا: "المسيح حزين على قضايا الشذوذ التي هي ضد الطبيعة التي خلقنا الله عليها من ذكر وأنثى، وعلشان كده ربنا بعت لينا الكورونا علشان يصحي بيها الناس شوية، وأمريكا اللى كانت بتعتبر الورقة الخضراء الدولار هو المعبود بتاعهم، والمسيح حزين على الغدر اللى إحنا فيها والناس اللى بتغدر ببعضها وانعدام الرحمة بين الناس".