قالت الفنانة صابرين، إن هناك من سخر من دعوات الفنانين بعدم الخروج من المنازل بسبب استكمالهم لتصوير المسلسلات الرمضانية، مشيرة إلى أنهم التزموا بمدة الـ 14 يوما التي طالبوا الجمهور بها.
وأضافت صابرين أثناء مداخلة هاتفية ببرنامج "الستات مايعرفوش يكدبوا"، المذاع عبر قناة سي بي سي، والذي تقدمه سهير جودة ومفيدة شيحة ومنى عبد الغني، إنها التزمت بتنفيذ ما طلبته من الجمهور وبقيت في منزلها لمدة 14 يوما، وتابعت قائلة : "إحنا فعلا عملنا كده، وقعدنا في البيت، بس نظرا للمسؤولية الجبارة اللي بتبقى على الواحد وإن في ناس كتير هتقعد في بيوتها لو منزلناش الشغل، نزلنا.. هي مش مسألة مادية قد ما مسألة معنوية إنك برأي واحد هتوقفي سير عمل كبير، بتبقي في وقت صراع ضمير قوي جدا، بين ولادك ولا الأسر المفتوحة ولا نفسك".
وواصلت الفنانة صابرين حديثها: "أنا مش بضحي بنفسي بس.. أنا بضحي بوالدتي إذا كانت قاعدة معايا أو لو حد مسن في عيلتي أو أطفال، لأن ممكن لو اتنقلي الفيروس انقله ليهم لما ارجع البيت.. عشان كده بقول لكل منظومة العمل بتاعت رمضان كإعلام وفن ومسلسلات. بقول لكل الناس: تحياتي وتقديري وأشكركم بجد من كل قلبي.. لأن حاولنا بقدر الإمكان نجتهد إحنا في جهاد برضو يا جماعة بنقعد في التصوير بالـ 12 ساعة مش عارفين هنروح ازاي في الحظر".
يشار إلى أن صابرين تخوض سباق مسلسلات رمضان 2020 بمسلسل
"ليالينا" انستجرام مع الفنانة غادة عادل واياد نصار، وأوضحت إنها تتمنى أن يلقى العمل قبولا لدى الجمهور، وأنها تقدم دور زوجة شهيد، تقوم على تربية أولادها.
تابعوا آخر أهل مصر على Google News
