قال الإعلامي عمرو أديب خلال تقديمه برنامج الحكاية علي قناة إم بي سي مصر: "من مميزات الكوفيد 19 أن دول العالم بدأت تهتم بأشياء لم تكن تهتم بها فاهتموا مثلا بالصحة والنظافة، ومع أنه كارثة ولكن العالم ابتدا ينظر لأمور أخري وأنا شايف في مصر الناس بدأت تهتم بالعناية الصحة وتقدير الأطباء وكل هذه كانت من الاثار الإيجابية لكورونا ومن ضمن الأشياء اللي نفسي تتعمل أننا نهتم بالحياة والاسواق وقعدنا عمر أسواقنا كانت غير صحية والنهارده محافظ القاهرة عقم سوق إيديال بالشرابية، وأغلب اللي في الاسواق ناس علي باب الله وفرصة أننا الأن نعقم الأماكن دي وأنا ضد أننا نزيل الناس لأن ده أكل عيشهم، ولابد من إعادة التنظيم، ونبطل بقي الناس اللي بتقعد علي الأرض".
وأضاف: "كورونا بدأ في سوق، والدولة عليها بتنظيم الأسواق لأن اللي قبل كورونا حمادة واللي بعد كوورنا حمادة تانية خالص، وأعود وأذكرك أن بائعة جمبري ضيعت العالم من ووهان، فرصة ذهبية علينا أن نعيد النظر في الإجراءات الصحية، ويكون فيه باكيات بالاسواق".
وتابع: "هؤلاء الناس لما يفتحوا ويشتغلوا أنت مش هتلاحق ونريد بعض النظافة، حتي لا تتجمع الحشرات، ومحدش عارف أن ده آخر فيروس احتمال يكون فيه كوفيد 20".
تابعوا آخر أهل مصر على Google News
