نائب مدير مستشفى النجيلة: التباعد المجتمعي هو الحل لمواجهة كورونا

أوضح الدكتور محمد علام نائب مدير مستشفى النجيلة المركزي بمطروح، أن التباعد المجتمعي هو الحل لمواجهة فيروس كورونا المستجد كوفيد 19.

وقال إن هناك تجربتين ناجحين في القضاء على الوباء "حتى الآن"، لأن احتمال حالة واحدة تكون فلتت وتبدأ الموضوع من جديد، حيث إن سبب نجاحهم يرجع لأمين الأول سرعة عزل المناطق المصابة، والثاني والأهم من وجهه نظري وعي الشعب، فالصين كمثال مرت بعدة أوبئة خلال أخر ٢٠ عام الشعب "بقى متسستم أول ميتقاله ابدأ إجراءات التباعد من سكات بيبدء، علشان شاف بعينه قبل كده ان ده الحل".

وأضاف الدكتور محمد علام أن الصين أغلقت مدينة ووهان الصينية كاملة، وباقي الصين كانت إجراءات كما الوضع لدينا من تباعد مجتمعي فقط، وأي شخص كان في مقاطعة ووهان وخرج يعزل نفسه ومن يظهر عليه أعراض يتوجه للرعاية الصحية، وبالتالي لم يكونوا سبب في انتشار الوباء في مدنهم.

ومن ناحية أخرى كوريا، اغلقت مدينة واحدة "اللى سيده تجولت فيها وتقريبا نشرت الفيرس فى أماكن كتييره وباقى البلد تباعد مجتمعى والحل الوباء توقف انتشاره".

وأضاف نائب مدير مستشفى النجيلة، أن ثانيا دول أوروبا وأمريكا دخل من الصين لهم مئات الآلاف في فترة انتشار الوباء الصامت، وأنكروا ان هنا وباء ولم يعرفوا النتيجة والتي كانت انتشار ونشاط الفيروس ونقل العدوى لملايين والبدء في اجراءات متأخرة، كما أن الشعب لم يساعد فيها والنتيجة كانت انتشار للوباء "دلوقتي الشعوب زهقت وعاوزه تنزل فالمتوقع لو نزلوا أن الموضوع هيتحول لكارثة أكبر".

وتابع "طيب أحنا وضعنا إيه ؟؟ وضعنا أن كل يوم الناس مش مصدقة، وبتهمل توقع نتيجته كمان أسبوعين يعني اللي مات إمبارح ده مصاب على الأقل من أسبوعين، واللي أعلنت إصابته إمبارح ده على الأقل بقاله أسبوع مصاب، أنتم اللي شايفين الشوارع أنا مش شايفها، هل شايفين الناس سايبهة مسافه أمان متر ؟؟ لابسة كمامة في الزحمة ؟؟ مبتكحش وتعطس بدون متغطي وشها ؟؟ يتنزل للضرورة فقط ؟؟ مفيش أفراح وخطوبات وعزاء ومباركة في مناسبات اجتماعية؟؟ لو شايفين كده فأحنا بننجح لكن غير كده كل يوم الناس تنزل أكتر النتيجة هتبقى أسوء في أرقام الأسابيع اللي بعده".

وأردف: "أنا اتكلمت في الموضوع ده من شهرين، وحاسس ان كلامي بقى كل شوية يتكرر ومش هزهق علشان مفيش بإيدنا حاجة غير أننا نوعي ونفهم الناس، لو بس واحد فقط التزم بسبب كلامي الكتيير ده وفهمه هيقل العدد وابقى اديت دوري، فانشروا التوعية بينكم وبين بعض فهموا بعض الواحد بيفرق فما بالكم بالآلاف".