لبلبة تبكي على الهواء: كانت تربطني برجاء الجداوي صداقة سنين طويلة

قالت الفنانة لبلبة خلال مداخلة هاتفية ببرنامج الحكاية تقديم الإعلامية عمرو أديب، أنا حزينة عرفت الخبر وأنا في طريقي إلي الساحل الشمالي ولما عرفت الخبر رجعت وأنا تعبانة جدا وما اشتغلتش مع رجاء الجداوي كانت تربطنا صداقة بقالنا سنين طويلة وروحنا مهرجانات كتير واتعلمت منها حاجات كتير. وأكملت وهي تبكي: "مفيش حد من الفنانين مبيحبهاش".

من ناحيتها أجهشت أميرة مختار، نجلة الفنانة القديرة الراحلة رجاء الجداوي، بالبكاء على الهواء، خلال التحدث عن والدتها، التي رحلت فجر الأحد بعد صراع مع فيروس كورونا.

وقالت أميرة مختار في مداخلة هاتفية ببرنامج الحكاية مع الإعلامي عمرو أديب، المذاع عبر قناة إم بي سي مصر، إن الأطباء قالوا لها "كانت بتقول أربع حاجات وهي على السرير في المستشفى، الحمد لله، ويارب، وراضية، أميرة، طول ما هي نايمة الأطباء قالولي مكنتش بتقول غير كده".

إقرأ أيضاً: صلاة الجنازة على الفنانة رجاء الجداوي بمستشفى أبو خليفة للعزل في الاسماعيلية

وتابعت ابنة رجاء الجداوي، أن والدتها قالت لها "لو أنا عاوزه أقوم وأخف هيبقى عشان خاطركم، أنا راضية الحمد لله، دي أكتر حاجة سمعتها منها".

وشكرت أميرة مختار، عمرو أديب قائلة :" أنا قاعدة قدام البرنامج منهارة، اللي أنت عامله يا عمرو أنا حساه أوي، أنت فعلا يوم ماما ما تعبت معرفتش أعمل إيه، طلبنا أول تليفون عملته كنت أنت اللي في بالي، ولميس الحديدي وطارق يونس".