نشرت الفنانة هنا الزاهد، عبر خاصية 'ستوري' من خلال حسابها الرسمي على موقع تبادل الصور والفيديوهات الشهير 'إنستجرام'، مقطع فيديو وثقت من خلاله لحظة تعرضها للتحرش والمضايقات من أحد السائقين بسيارة نصف نقل أثناء قيادة سيارتها.
وقالت هنا الزاهد، إن السائق وأصدقاءه، واصلوا لمدة 5 دقائق توجيه كلمات سيئة لها وهربوا فور قيامها تسجيل الواقعة بكاميرا هاتفها.
وأوضحت هنا الزاهد قائلة : 'متحرشين بيخبوا وشهم وبيجروا لما صورتهم.. رجالة أهم، أنا دلوقتى في العربية، الفيديو اللى انتم شفتوه الأول لرجالة بشنبات قاعدين في عربية نص نقل كانوا بيجروا ورايا بقالهم 5 دقائق وبيتحرشوا بالكلام وعاملين يكسروا عليا وكانوا بيجروا عليا'.
وتابعت 'أول ما طلعت الموبايل جريوا زى الفران، لأنهم فعلا زى الفئران أو كلاب بمعنى أصح، فاكرين لو بنت لوحدها في العربية هتخاف وتقعد تجرى'.
وأكملت قائلة: 'لا أنا مابخافش دول ناس مش محترمة و متسكتيش على حقك وحقي يتجاب دلوقتى عادى جدا وعاوز أقول لأى بنت في عربيتها متخفيش طلعى موبايلك وصوريهم هيجروا زى الجبناء ومتسكتيش على حقك'.
تابعوا آخر أهل مصر على Google News
