ياسمين غيث عن إثارة قضية التحرش: "اللي حصل ده فوقنا وخلانا نتكلم"

قالت الفنانة ياسمين غيث، أن قضية التحرش التي أثيرت مؤخراً تسببت في نوبة إفاقة وصحيان للجميع، معلقة: "احنا سكتنا على حاجة مينفعش نسكت عليها، اللي حصل ده فوقنا كلنا وخضنا".

وتابعت "ياسمين": "طول عمري ماشية خايفة وأنا نازلة الشارع بفكر هلبس ايه بفكر مليون مرة.. أبويا وأخويا دايما يقولولي ماتلبسيش ده وإلبسي ده لأن المكان اللي انتي رايحاه فيه مشكلة وفيه شباب.. لحد ما تعبت وما صدقنا نتكلم".

وأكملت في مداخلة عبر تطبيق "زووم" عبر برنامج "القاهرة الآن"، المذاع على فضائية "العربية الحدث"، الذي تقدمه الإعلامية لميس الحديدي قائلة: "عشان احنا فنانات والناس شايفانا شفت ضروري إننا نتكلم ونشجع الكل يتكلم ويكافح الظاهرة المتفشية، لو فضلنا ساكتين الناس كلها هتتظلم عشان كده قررت أتكلم وأفيد الناس وحكيت تجربتي مع التحرش".