مصدر: بعد انتشار فيديوهات بنت نهى العمروسي.. قاطعها أفراد من أسرتها (خاص)

لازالت فيديوهات بنت نهى العمروسي حديث مواقع التواصل الإجتماعي في قضية فندق فريومنت نايل سيتي، وتساءل البعض هل أسرة نازلي ابنة نهى العمروسي يساندوها في هذه الأزمة أم تخلوا عنها؟

فيديو بنت نهى العمروسي يُسبب قطيعة الأسرة

تسببت فيديوهات نازلي بنت نهى العمروسي للعديد من المشاكل في عائلتها، حيث أكد مصدر لـ 'أهل مصر' أن نهى العمروسي تدعم ابنتها قلبًا وقالبًا بينما هناك عدد من أسرة نازلي تخلوا عنها وقاطعوهم بسبب قضية الفيرمونت.

نهى العمروسي تدافع عن نازلي

بعد نشر فيديوهات بنت نهى العمروسي، كتب الفنانة عبر حسابها بموقع التواصل الإجتماعي هذا المنشور ثم حذفته: 'الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبها وبتثق ثقة عمياء فيه، وسنها صغير ومش فاهمة الدنيا، الفيديوهات المسربة لابنتي نازلي، ينطبق عليها المثل ده'.

وتابعت: 'اللي صورها وصوته باين في واحد منهم بوضوح كان جوزها اللي هو واحد من المتهمين في جريمة فيرمونت الولد ده بنتي كانت بتحبه من وهما مع بعض في المدرسة وعلاقتهم استمرت 12 سنة لحد السنة اللي فاتت لما تمت 21 سنة خدها واتجوزها من ورايا، ومفيش بنت منحرفة هتفضل مع واحد 12 سنة'.

وأضافت: 'اللي بيسرب الفيديوهات رقم من استونيا بيبعت الفيديوهات للصحفيين، ولأرقام عشوائية عشان يفضح بنتي، بنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد، لما اكتشفت قريب إن بنتي اتعرضت لكل القسوة دي سألتها ليه خبت عليا، وإيه اللي كان في دماغها ساعتها، ردت عليا وقالتلي أنا قولت أرضى وخلاص'.

واختتمت نهى العمروسي كلامها: 'مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، أخر سنتين، ورضخت لتهديداته وبعدين ثارت عليها وقررت متعملهاش تاني الحاجات دي من ضمنها الفيديوهات المنشورة، غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها إتقوا الله.

قرارت النيابة العامة في قضية فيرمونت

وتواصل النيابة العامة، تحقيقاتها في قضية التعدي على فتاة في فندق الفيرمونت، عام 2014، وقررت النيابة العامة حبس ثلاثة متهمين أربعة أيام احتياطيًّا، وإخلاء سبيل ثلاثة آخرين إذا ما سدد كلٌّ منهم ضمانًا ماليًّا قدره مئة ألف جنيه، وآخر بضمان محلِّ إقامته، وذلك على ذمة التحقيق معهم في وقائع اتهموا فيها بمناسبة التحقيقات الجارية في واقعة التعدي على فتاة بفندق فيرمونت نيل سيتي.