عانى الفنان الشاب حمادة صميدة، من عدة وقائع تنمر مستمرة خلال الفترة الأخيرة بسبب ملامحه وأيضاً عن تعرض نجله للموت وهو ما أثير على غضبه.
وبث صميدة فيديو له عبر حسابه الرسمي بموقع تبادل الصور والفيديوهات الشهير إنستجرام بث فيه عن موقف تعرض فيه للتنمر معلقا: 'أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي حمزه وياسين أول فرحة ليا في سن خمس شهور حسيت ساعتها أنا ومراتي إن دي النهاية خلاص والدنيا أسودت في وشي ووجع ربنا ما يكتبه لحد'.
وتابع: 'لكن رحمة ربنا إنه يرزقني بابني فارس اللي ماليش غيره في الدنيا وهو أغلى حاجة عندي وممكن أضحي بعمري عشانه، فكفايا تنمر كفايا سخرية كفايا شتيمة سيبوني أفرح بحاجة بحبها ابني وشغلي دول حلم حياتي لأن دول اللي فاضلين ليا في دنيتي بقى أبوس إيديكم ارحموني لما تشوفوني بنزل صورة لابني فارس اللي فرحان بيه وطلعت بيه من الدنيا أنا ماليش في الدنيا غيره أنتم ما تعرفوش أنا جوايا إيه وظروفي إيه ومريت بأيام شكلها عامل ازاي، أنا عارف إن حمزة وياسين في الجنة وأنا مشتاق للجنه علشان أشوفهم'.
حمادة صميدة ممثل مصري ظهر فى أدوار عديدة منها أدوار درامية وسينمائية، فضلًا عن ظهوره فى برامج تليفزيونية عديدة، كان يعمل بائع أنابيب، ثم أصبح كومبارس فى أدوار بسيطة، ومن أشهر اعماله فيلم (بوبوس) عام 2009 ، ومسلسل (الكبير أوي) عام 2010، ومسلسل (الحارة) عام 2010، ومسلسل (مسيو رمضان مبروك أبو العلمين حمودة) عام 2011، ومسلسل (الوالدة باشا) عام 2013، ومسلسل (فيفا أطاطا) عام 2014، وفيلم (واحد صعيدي) عام 2014، ومسلسل (مأمون وشركاه) عام 2016، وغيرها من الاعمال.
تابعوا آخر أهل مصر على Google News
