ناشدت الفنانة إيمان السيد أصدقائها في الوسط الفني بالإفصاح عن من يحمل فيروس كورونا المستجد، بسبب خطورته الشديدة وذلك من خلال حسابها الرسمي بموقع التواصل الإجتماعي 'فيس بوك'.
وكتبت إيمان :'عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفاً على شغله.. ودا لِما تعودنا عليه من إن اللي بيتعب يقعد في بيتهم، وفيه ناس بتتعالج من أمراض صعبة بدون ما أي حد يعرف وناس بتعلن عن تعبها بعدما يتم شفائها'.
وتابعت إيمان :'ورغم كدا بيفضلوا الناس برضوا مترددين يستعينوا بيهم في شغل، ولكن لما نكون بنتكلم عن وباء إحنا هنا قدام واجب أخلاقي ان الناس لازم يقولوا عشان يقفلوا دايرة العدوى و يحذروا كل المخالطين ودول بدورهم يعتزلوا'.
واختتم إيمان السيد حديثها:'شكرا لكل الناس اللي بيعلنوا عن إصابتهم في كل مجال أو مكان، المرض مش عيب العيب انك تتسبب في انتشاره، وربنا يشفي الجميع'.
وأعلنت أمس الفنانة نشوى مصطفى إصابتها بفيروس كورونا المستجد كوفد 19 وتم نقلها إلى إحدى مستشفيات العزل، وكشفت اليوم الفنانة سارة عبد الرحمن أيضا عن إصابتها بكورونا بعد عودتها من مهرجان الجونة السينمائي 2020، ومنذ ساعات قليلة كشفت الاستايلست ريم العدل، عن تعرضها للإصابة بفيروس كورونا، وكتبت:'رغم إني معنديش أي أعراض خالص، ولأن الاحتياط واجب ومسئولية في الظروف دي، عملت تحليل كورونا والنتيجة طلعت إيجابي للأسف. بعض الأصدقاء عملوا تحليل طلع إيجابي وبعدها عملوا واحد تاني وطلع سلبي'.
تابعوا آخر أهل مصر على Google News
