في مفاجأة من العيار الثقيل خرجت علينا الحاجة 'شادية' الشقيقة الكبرى للمطرب الشعبي الفنان عبد الباسط حمودة، لتكذب شقيقها، الذي أعلن وفاتها قبل أيام وظهر في جنازة قيل إنها لشقيقته.
وقالت شقيقة عبد الباسط حمودة في لقاء لها بقناة المحور، إنها على قيد الحياة، وتابعت بلهجة حزينة: 'عاوز تموتني ليه؟!!.. أنا أختهم الكبيرة والوحيدة على 4 رجالة'.
وأوضحت الحاجة شادية، إنها صدمت بادعاء شقيقها عبد الباسط حمودة أنها توفيت وتعجبت قائلة: 'إزاي أهل البلد يجوا يعزوني وأنا قاعدة موجودة في بيتي.. إزاي بيقسم بالله إن أخته ماتت وأنا عايشة!!'.
وأضافت، أنها سعت للتواصل معه عبد الباسط لمعرفة هذه الشائعات التي أطلقت، لكنه لم يرد على اتصالاتها، وتابعت: 'مقاطعني، ومش بيكلمني خالص من وقتٍ طويل.. ساعات بيجي البلد في بركة السبع في المنوفية بس مش بيزورني.. بيزور حماته بس مش بيزورني..أنا بحبه مزعلتوش.. ليه بيعمل كده؟.. هو مش حاسس كده ليه؟.. عاوزاه يحس بيا ويساعدني أنا على قدي وربيت عيالي بتعبي وشقايا.. ده أبونا كان رجل محترم'.
وأكدت شقيقة عبد الباسط، على أن السيدة التي توفيت ليست شقيقته، مشيرة إلى أنها مثل اخته وأنها عزيزة عليهم جميعاً، واضافت: 'كنت قول زي أختي أو أغلى من أختي لكن مش أختي.. بلاش الكذب ده.. أنا بشوفه في التلفزيون ببقى نفسي أحضنه، وهو قاطعني وخيرني بينه وبين عيالي، وقالي يا تختاريهم يا تختاريني، برغم إنهم يحبونه.. أنا موافقتش.. ده أنا ربيتهم بتعبي وشقايا.. مش عارفة بيعمل معايا كده ليه'.
ومنذ عدة أيام ظهر عبد الباسط حمودة، قد ظهر في مقطع فيديو، وانتشرت أخبار أن شقيقته الكبرى توفيت، ونفى أنها زوجته التي توفيت قائلًا: 'أقسم بالله أختي الكبيرة اللي ماتت'.
تابعوا آخر أهل مصر على Google News
