ابنة عبلة كامل ترد على أنباء إصابة والدتها بالسرطان

علقت زينب كمال على الحالة الصحية لوالدتها الفنانة عبلة كامل بعد الأنباء والأقاويل التي انتشرت أمس عن إصابتها بالسرطان في مرحلته الأخيرة، الأمر الذي أثار قلق جمهورها ومحبيها.

ونشرت زينب كمال منشورا عبر حسابها الشخصي على موقع التواصل الاجتماعي فيسبوك قالت فيه: 'ماما الحمد لله بخير والكلام اللى منشور ده شائعات.. شكرا على السؤال.. ربنا يدينا كلنا الصحة'.

وكان السيناريست بلال فضل نشر عبر حسابه على فيسبوك رسالة قال إنها من عبلة كامل قالت فيها: 'عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من أنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا بتابع السوشيال ميديا ولا بانشر عليها أي شيء من أي نوع ولا مهتمة بده'.

وأضافت عبلة كامل : 'أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وباشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم'.