حمو بيكا: أتمنى هاني شاكر يسامحني.. وهاني مهنا شايفني بلطجي وصايع

كتب : حسن الحيني

علق حمو بيكا مطرب المهرجانت، على فيديو الاعتذار الذي بثه اليوم، قائلاً: "ماعملتش الفيديو ده عشان القضية أو الحكم لو مكتوبلي حاجه هشوفها، بس كان لازم أعتذر للفنان الكبير هاني شاكر لأني مكنتش قاصد أعمل أي مشكلة وأنا طول عمري بحب الناس والناس بتحبني ومش عاوز حد ياخد فكرة وحشة عني".

وأضاف "بيكا" في مداخلة هاتفية مداخلة هاتفية عبر برنامج "كلمة أخيرة"، الذي تقدمه الإعلامية لميس الحديدي على شاشة "ON": "لو مكتوبلي اتحبس هتحبس ولو هاخد براءة برضه هاخد براءة، اللي كاتبه ربنا هيكون بس كان لازم أتأسف واعتذر لأستاذ هاني شاكر ولأعضاء مجلس نقابة الموسيقيين لأنه زي أبويا وماينفعش أقف قدام أبويا وأزعق".

ورداً على سؤال الاعلامية لميس الحديدي، حول توقيت الاعتذار، قال: "أنا ااعتذرت كتير وعلى كافة المنصات، طلعت في كل البرامج واعتذرت وكل فترة كنت بجدد الاعتذار.. بس كنت خايف أروح النقابة تحصل معايا مشكلة هناك، ولما لقيت ماحدش كلمني ولا ااعترضني عملت الفيدو واعتذرت فيه وأخدت بعضي وبعدها ونزلت ماشفتش حتى حد".

وحول توقعه لما بعد الاعتذار ومدى إمكانية تقبله من الفنان هاني شاكر، قال: "ربنا كبير بقى وهو يقف معايا مش هقدر أعمل أي حاجة والمحامي، بتاعي عملي استناف واتحددله معاد يوم 25 ديسمبر، وربنا معايا وهتكون جلسة واحدة مش هقدر أعمل أي حاجة.. ولازم أحضر في جلسة الاستناف".

ورداً على سؤال الحديدي، حول إماكنية عدم قبول الاستنئناف وتنفيذ الحكم، قال مطرب المهرجانات: "دي بلدي برضه ومش ههرب منها حتى لو اتحكم عليا بده يبقى ربنا عاوز كده".

وتابع: "الفنان هاني شاكر فنان كبير وأنا بحبه وبطلب منه يحطني في مقام ابنه ولو أنا غلطت بـتأسفله تاني وهفضل اعتذر له طول حياتي أنا زي ابنه وربنا غفور رحيم إذا كان ربنا بيغفر لازم هوا كمان يغفرلي".

وأوضح أنه طلب من أشخاص كثر لعب دور الوساطة، معلقا: "كلمت ناس كتيرة وناس كتيرة أتوسطت محدش رد عليا".

وطرح اسم الموسيقار هاني مهنا للوساطة، قال بيكا: "حاططني في موقف من وجهة نظره إني مجرم وصايع، هوا شافني كده مش شايفني نبت صالح، المفروض مانشوفش بعض كده احنا كلنا عايشين في بلد واحدة والبلد دي اسمها مصر، كلنا يوم القيامة هنبقى كلنا قدام ربنا واحد مافيش غني ولا فقير".

وأردف: "هاني مهنا قالي ماعنديش مشكلة مع عمر كمال بس حمو لا انو يحضر فرح بنتي، وبنته هيا اللي بعتتلي الدعوة ورغم كده طلعت عملت فيديو، قالت أيوه أنا اللي عزماهم وجايباهم"، مضيفا: "ازاي يتنمر عليا ويقصف جبهتي؟، أنا مش متعلم صحيح بس علامي إن مافيش حاجة اسمها أنا فوق وأنت تحت؟".

وعن الجدل حول نوعية كلمات المهرجانات، قال بيكا للحديدي: "قوليلي من ساعة ماوعدتك سمعتي حاجة خارجة؟".

وحول شعوره بالاستهداف: "كتر المهاجمة جبلي حالة نفسي وبقف 6 مرات قدام المرايا وأسال نفسي أنا بلطجي ولا ايه بالضبط؟، خلوني ماشي بكلم نفسي مش عارف أنا غلط ولالا؟، مابقتش عارف حاجة الناس في الشارع بيحبوني ويقولولي انت طيب وألاقي ناس تانية شايفني في شكل تاني؟".