يُصادف عيد ميلاد الفنان الكبيرة ميرفت أمين اليوم الثلاثاء 24 نوفمبر، وهي النجمة التي قدمت أعمالًا سينمائية وتليفزيونية كثيرة تركت بصمتها على مدار أجيال. البعض يراها ممثلة من زمن الفن الجميل والبعض الأخر لا يرى أنها ممثلة قوية بالصورة الكاملة. لذا نرصد بعض آراء الجمهور عن ميرفت أمين في السطور التالية.
ميرفت أمين في زوجة رجل مهم
كتبت إحدى الصفحات المهتمة بأخبار الفن والمشاهير، رأيي تحليل حول الممثلة ميرفت أمين. حيث قال مدير الصفحة: 'واحدة من تجليات ابداع محمد خان هو اداء ميرفت امين فى زوجة رجل مهم، ميرفت امين فى العموم موهبة متوسطة يعني مش قوية اوي وفى نفس الوقت مش واقعة، تليق اكتر فى الادوار الخفيفة، لكن مسيرتها كلها فى كفة وشخصية منى فى زوجة رجل مهم فى كفة تانية'.
وتابعت الصفحة: 'أعلى درجة اداء لها طول حياتها، أغلب الفيلم مش بتتكلم كتير لكن وشها وعينيها بيقولوا كل حاجة، تدريجيا طول احداث الفيلم بتتقتل براءة البنت الهادية الرومانسية مشهد بمشهد، بتتوه عن ذاتها والهموم بتتكوم فى وشها وعينيها طول الفيلم، كل ده بيحصل بدون كلام انت بس هتبص فى وشها هتشوفه، وصولا للوحة مشهد النهاية الخيالي، حسب ما حكت ميرفت امين ان محمد خان طلب منها ريأكشن فيه كل معاناة الفيلم وكل اللي حصل للشخصية عشان ينهي به الفيلم، فخرج منها الريأكشن ده، أعظم صورة ختام لسيمفونية مأساوية زي زوجة رجل مهم'.
هل ميرفت أمين موهبتها متوسطة؟
آثار المنشور السابق غضب البعض واتفاق البعض الأخر من الجمهور المحب للسينما، فمنهم من اتفق مع رأيي أن ميرفت أمين موهبة متوسطة، فكتبوا: 'ميرفت امين فعلا موهبة متوسطة لكن مجتهدة و السر فى عظمة ادائها ترجع لمحمد خان بدليل ان غادة عادل بقدراتها التمثيلية المحدودة جدا تعمل اجمل ادوارها فى فيلم شقة مصر الجديدة'.
آما البعض الأخر كتب رأيه، مثل: 'انا فعلا رياكشنها اكتر من راءع والفيلم نفسه جميل بس مرفت ممثله قويه هى يمكن ليها ادوار معينه بتجيدها او تليق معاها لكن مفيش مخرج بيصنع فنان هو ممكن يبلوره او يظهر افضل مافيه لكن مش هيضيف حاجه مكنتش موجوده ميرفت السهل الممتنع وبتجيد الادوار الهاديه اللى بتدى شر بنعومه او معاناه غير مبالغ فيها'.
ومن التعليقات أيضًا التي كُتبت عن ميرفت أمين في دورها بفيلم زوجة رجل مهم: 'من احلى افلامها دة إذا مكانش الاحلى على الاطلاق ، تمثيلها كان رائع و دور مختلف مش مجرد بنت حلوة و خلاص لا طول الوقت عنيها هى اللى بتتكلم حقيقى كانت رائعة و لحد الان ببكى لما بشوف الفيلم دة'.
فيلم زوجة رجل مهم
قصة الفيلم تدور حول أحمد زكي 'هشام' ضابط في المباحث يبدو من الوهلة الأولى أنه شخصٌ طيبٌ، ودودٌ أو هكذا انخدعت فيه زوجته ميرفت أمين 'منى'. تظن منى أن زوجها شخصٌ طيبٌ ،لكنها تكتشف حقيقته بعد الزواج حيث تكتشف أنه غير سوي ومتسلط ويستغل سلطته كضابط شرطة بكل شكلٍ من الأشكال.
تتحول حياة منى لجحيمٍ؛حيث يحرمها من كل مُتع الدنيا بخلاف سوء معاملته لكل من حوله حتى جيرانه. يرصد الفيلم من خلال حياة تلك الأسرة الصغيرة كثيرًا من الأحداث السياسية والاقتصادية والاجتماعية في جوٍ درامي مليءٍ بالواقعية.
تابعوا آخر أهل مصر على Google News
